Schwäbische Backwaara
| Dialäkt: Schwäbisch |
Da schwäbischa Beck – den geits it. Jeder vo dene isch nemlich ebbes Bsondrs. Jedenfalls was Handwerksbecka agoht. Jedr vo dene isch stolz auf seine Backware od dia send vo oim Ort zom andera ontrschiedle. Ond weil as Brot so wichtig isch, geit s sogar a Brotmuseum en Ulm.
En dere Lischt solled typisch schwäbische Backwaara ufzelld werra.
Backwaara
[ändere | Quälltäxt bearbeite]
- Anisbrötle
Anisbrötla macht ma wia Schbrengerle
- Apfldenne
A Blechkuacha mid Epfelschnidds on mid ara Oiersooss ibrgossa. A Bissle Zimt ond Zuggr ka au drzua
- Apflkuacha
Deckt odr ned, guad isch r emmer
- Ebflkiachle
Ebflrengla en Bierdoig donga ond en Fett aussbacha.
- Briegl
Briegl send a Gmender Spezialidät. Gmacht werret se ogfähr so wia d Seela.
- Schwäbischer Bibelkuchen
D Lösong:
6 Oier, a Tass Öl, 5 Tassa Mehl,2 Tassaen Feiga, 2 Tassa Honig, 1 Tass Milch, 2 Tassa Zibeba, Salz, 3 Löffala Zimt, 3 Löffele Backpulver.
Zom driebrschdraia ghoblde Mandla ond Pudrzuggr.[1]
- Bäredatza
- Dinnete
A Pizza uf schwäbisch. A Hefe-Blechkuacha mit Schbeck, Schnittlauch, Sahne, Salz ond Pfeffr.[2]
- Fasnedsküachle
Ma macht an Hefedoig. wann r ferdig isch rolld man aus, oin Zendimedr dick, no schdichd ma Grois aus. In d Midd vo oim a Häufle Gsälz, d Rendr nass macha, en zwoita Grois druff, zemmadrugga, nomol ganga lau, drnoch em Fedd ausbagga. Mid Pudrzuggr dribr schdraia.
- Flachswickl
Flachswickl send Hefedoigwickl mit Mehl, Oier, Zucker, Buttr ond Hefe. Beschtraia duat ma se mid Haglzucker. Se hoisat so, weil frieher dr Flachs so aufgwicklt worra isch. [3]
- Guglhupf
Dr Guglhupf, aus Rührdoig, backt ma in ara ronda hoha Form. Wemma mog, ka ma Zibeba odr Nüss odr Schokladbreckala neirühra.
- Guatsla
Des isch Zemmafassong vo allem möglicha Weihnachtsgebäck: Buttr-S-le, Pfauaauga, Makrona, Schbitzbuaba, Ausschtecherle ond ...
- Griabaschnegga
D Griabaschnegga machd ma aus ama Ärdäpfeldoig ond dren sen Griaba. Des isch ähnle zu de siaße Schnegga, blos schdadd em Hefadoig Ärdäpfel ond schdadd Zibeba d Griaba. Ausbacha werred se en Milch.[4]
- Hefezopf, Hefekranz
Drei odr meh Schträng von ama Hefedoig werrat mitanand vrflochta. Ma ka en en era Form odr auf ama Blech bacha. En Doig ka ma Zibeba nei doa.
- Hörnle
Hörnle aus alle megliche Doig (Bläddrdoig, Hefebläddrdoig) ka ma au mid ällem megliche filla: Niss, Marzipan, Luggeleskäs, griebena Käs, Griaba, wia s brauchd ond ma s mog. Ibrschdreicha mid ara bassenda Soß (Oier, salzig, zuckrig) ond nei en Bachofa.
- Horaffe
Horaffe (aus Crailsheim, abr au soscht) send aus Hefedoig. Ogfähr 70 Gramm. Frihr war des a Brod fr d Arme zom Gedenga an a Schdatfescht.[5]
- Hutzelbrod
Hutzelbrod isch a Hefedoig mid drocknede Frichd - aber eher drocknete Frichd mit ama Hefedoig zom zsammahalta.
- Kimmicher
Graoße Wecka mit Kemml em Toig. Der Kimmichertoig isch aus Woizamehl, Roggamehl, Wasser, Öl, Salz, Germ ond Kimml. D Kimmicher werda gschöpft.
- Kirschamichl
Kirschamichl (r hoisst au Ofaschlupfr, wemma schatt Kirscha (Krisa) Epfel nemmt): Alte Wecka en Scheiba gschnitta, kloigschnittene Kirscha drauf, Zibebea zwischanei, Zucker, Oier verkleppert und ab en Bachofa
- Käsfiass
Zom Moscht, aus Mehl, Butter, Käs, Sahne, Backbulvr[6]
.jpg)
- Laugabrezla
Brezla send d Kunscht, 40 Zentimeter dünna Doig so z forma.
- Laugawecka
Laugawecka sen d oifachr Möglichkeit drzua.
- Mutschla
Mutschla send a Reitlengar Spezialität. Dr Germtoig wurd gformt als Stera mit ama Kranz. Als a Traditio geits dia an oim Tag em Johr. An dem Dag wird au gmutschelt. S Mutschla isch Würfla.
- Nonnafürzla
Kloine Hefedoigkugla duat ma em Fett bacha ond schtrait Pudrzucker driebr.
- Nusskuacha
Nusskuacha isch a Kuacha en era Kaschtaform, aus Oier, gmahlene Haselnüss, Zucker, Mehl[7]
- Nusszopf
Nusszopf isch a Zopf aus Hefedoig, mit gmahlene Haslnüss drzwischa[8]
- Ofaschlupfer
Ofaschlupfr (r hoisst au Kirschamichl, wemma schdatt Epfel Kirscha nemmt): Alte Wecka en Scheiba gschnitta, kloigschnittene Epfel drauf, Zibebea zwischanei, Zucker, Oier verkleppert und ab en Bachofa
- Pfitzauf
Pfitzauf isch a Soufflé
-
Biberacher Seela -
Schbeckkuacha -
Schprengerle mit Füassle -
Schaimle
- Schaimle
A Gebäck aus Oischnai, mo ma aufgschaimd hod. Se hoisad au Merenga (vo Spanisch 'Wind') odr Baisee (vo Französisch 'Kuss').
- Seela
Schwäbische Seela send aus Dinkelmehl, Hefe, Zucker, Wasser, Woizamehl ond Salz. Oine dant no Speck, Kimmel odr sogar Niss nei. Se weret mid grobem Salz bschtrait.
- Schbeckkuacha
An Hefadoig macha, kloi gschnittana Schbeck drauf vrtoila, verklepperte Oier mid Salz ond Zucker zum Abdecka ond ab en Bachofa.
- Schprengerle
Mehl, Oier, Pudrzucker, Hirschornsalz. Springerle müasat a Weile liega – vor em Backa zum Trockna ond drnoch, damit se woich werrat.[9]
- Träubleskuacha
S bsondr isch, dass r mit ara Oiersoss adeckt isch
- Ulmer Brod
Ulmer-Brod (Lebkuacha en Blechkuachaform): A Rührtoig aus Butter, Zucker, Eier, Lebkuachagwürz (Zimt, Nelken, Honig, Kakao), Backpulver, Mehl ond Kaffee (en flissigr Form).[10]
- Ulmer Spatz
Ulmer Spatz isch a Hefegebäck mid Lauga. S isch dickr wia a Laugaschtanga.
- Wecka
S geit katholische ond evangelische Wecka.
- Wibele
Wibele kennt mr seit 1763, aber erscht nôch 1800 mit dem Naamë. Se hôißët so nôch ëm Hofkonditor Jakob Christian Carl Wibel von Langenburg (Hohenlohe).[11] Se send aus ëm Biskuitdôig gmacht, mit Ôiweiß, Puderzuggr, Mehl und Vanillzuggr. Ogfähr 20 mol 10 Millimetr groß.[12]
- Zibebabretla
Des send siasse Wecka, mit Zibeba dren.
- Zwieblkuacha
An Hefadoig, Zwiebla (fir oi Kuachablech brauchts drei Kilo Zwiebla!), Oier fir an Ibrzug, Salz ond Pfeffr, Speck, wemma s mog.
Lidradur
[ändere | Quälltäxt bearbeite]Karl Bahnmüller, Arno Mulot: Reutlinger Heimatbuch, Verlagshaus Reutlingen Oertel u. Spörer, 1970. DNB 455601267
Guck au
[ändere | Quälltäxt bearbeite]Fuassnota
[ändere | Quälltäxt bearbeite]- ↑ Bibelkuchen meine Lösung. Archiviert vom Original am 19. Juni 2017. Abgrüeft am 9. Januar 2020.
- ↑ Dinnete – Rezept für schwäbische Pizza. Abgrüeft am 15. März 2020.
- ↑ Flachswickel Rezept. Archiviert vom Original am 25. April 2016. Abgrüeft am 9. Januar 2020.
- ↑ Griaba Schnecka. Abgruefen am 25. Februar 2019.
- ↑ Crailsheimer Horaff. Archiviert vom Original am 15. Juli 2016. Abgrüeft am 10. Juli 2016.
- ↑ Käsfießle – mürbes Käsegebäck S.14. (Site cha nüme abgrüeft wärde; Suche im Webarchiv)
- ↑ Spezialitäten aus Württemberg und Baden : 300 Originalrezepte d. südwestdt. Küche. München: Heyne 1969 DNB 456826874
- ↑ Nusszopf Rezept. Archiviert vom Original am 22. Juni 2016. Abgrüeft am 29. Juni 2016.
- ↑ So entstehen Springerle bzw. Änisbrötli uf springerle.com abgruefe am 29. Juni 2016
- ↑ 11 Ulmer Rezepte. Archiviert vom Original am 29. September 2019. Abgrüeft am 30. September 2019.
- ↑ Di oine sagët, er isch 1763 scho Hofkonditor gwäë, di andre, er isch erscht 1770 uf d Welt kommë.
- ↑ Wibele. Abgrüeft am 27. Juni 2016. (Site cha nüme abgrüeft wärde; Suche im Webarchiv) – Langenburger Wibele. Archiviert vom Original am 24. März 2019. Abgrüeft am 5. Dezember 2019. – Geschichte der Wibele. Archiviert vom Original am 5. Dezember 2019. Abgrüeft am 5. Dezember 2019.