Telefonvorwahl

Dialäkt: Züridütsch (See)

E Telefonvorwahl (im nationale Ruefnummereruum au Ortsnetzkennzahl) isch e Zifferefolg, wo mer bim Wähle vonere Telefonnummere iigit, um de logischi Ort z wechsle.

Der logischi Ort entschpricht i dr Regle amene reale Ort (bi Anrüef zu Aaschlüss im Feschtnetz). Es chann sich aber au um es eigeschtändigs Telefonnetz (zum Biischpiil Mobilfunk) oder en Dienscht (zum Biischpiil Serviceruefnummere) handle, wo die örtliche Uusdehnige nöd feschtgleit sind. D Telefonvorwahl "032" wird in Düütschland für Telefonat zu Voice-over-IP-Ruefnummere, wo nöd ortsbunde sind, verwendet.

Allgemeins zur Gschicht und Notwendigkeit

Historisch gseeh sind Telefonvorwahle entschtande, wil Telefonnetz immer nur für iiggrenzti Ort konzipiert worde sind. Sobald aber zwei Telefonnetz ein zmindescht teilwiis überlappende Nummereruum händ, sind Telefonnummere nümme eidüütig. Oft diened si au zum Routing (Uuswahl vom Telefonnetz vomene beschtimmte Undernehme) vomene Gschpräch. Sit 1964 sind di internationale Telefonvorwahle dur di Internationale Telekommunikations Union (ITU) gnormt.

Sitdem bestaht d Telefonvorwahl i viilne Länder us ere Verchehrsuusscheidigsziffere und dr eigentliche Vorwahlnummere. Will mer biischpiilswiis innerhalb vom düütsche Telefonnetz es Gschpräch nach Berlin füehre, so wählt mer d Zifferefolg 030. D Null isch debii d Verchehrsuusscheidigsziffere, d 30 d Kennig für Berlin. Nähers zum gnaue Ablauf lueg unter Vermittligsschtell.

Wil s Gebiet vo dr DDR nach dr Wendi über Berlin versorgt worde isch, händ alli oschtdüütsche Bundesländer e Vorwahl, wo mit 03… aafangt. Dezue isch es armdicks Kabel mit de notwendige Kabel nebed dr A2 ab Hannover bis uf Berlin verloffe. Das Kabel isch offen in ca. 1 m Höhe an Pfoschte befestigt direkt nebed dr A2 gloffe, isch bis Aafang vom Jahrtuusig no vorhande gsii und hätti binere Beschädigung de Uusfall vo dr telefonische Aabindung vo de neue Länder an Weschtteil bedeutet.

Für internationali Telefonvorwahle gits e anderi Verchehrsuusscheidigsziffere, i de meischte Länder isch das d 00.

Es hät sich iibürgeret, dass es für jedes Telefon e impliziti Telefonvorwahl git. Wenn mer also Telefonnummere aalüüte möcht, wo innerhalb vo dere Telefonvorwahl erreichbar sind, so chönnti mer d Iigaab vo dr Telefonvorwahl weglaa, so wies derziit in Düütschland dr Fall isch.

Lueg au: Nummerierig (Telekommunikation)

Vorwahlarte

Es git verschiedeni Arte von Vorwahle:

di internationali Telefonvorwahl (zur Wahl vom Zielland)
- Ländervorwahllischte sortiert nach Nummere
- Ländervorwahllischte sortiert nach Länder
in viile Länder d Ortsnetzkennzahl (zur Wahl vom logische Telefonnetz innerhalb vomene Land)

Länder mit zwingender Verwendig vo dr Vorwahl in allne Fäll

Nach ere EU-Vorgaab isch i dr Schwiiz (März 2002), in Frankriich (1999), in Dänemark (?), in Italie, in Belgie (Juli 2000) und in Schpanie di zwingendi Verwendig vo dr Vorwahl iigfüehrt worde, au wenns sich nur um es Ortsgschpräch handlet. Dr Vorteil vo dere Methode isch, dass dur das pro Ortsnetz 11 % meh Nummere zur Verfüegig stönd, wil de Ziffere 0 au direkt nach dr Ortsnetzkennzahl verwendet werde chann. Ferner erreicht mer en Teilnehmer uf em gsamte nationale Territorium immer mit dr gliiche Nummere. Di Tschechischi Republik redt vo dr Abschaffig vo dr Vorwahl: Zwar hät mer di meischte alte Vorwahle übernaah, di neue Nummere werded aber, ähnlich wi bim Mobiltelefon, ganz ohni geografischi Bindig zueteilt, usserdem chann mer jetzt (republikwiit) mit dr bisherige Telefonnummere au umzieh („D Nummere fürs Lebe“). In Estland hät mer d Vorwahle au abgschafft, indem mer d 0 als Verchehrsuusscheidigsziffere abgschafft und d Vorwahl a d Telefonnummere verbindlich aagschlosse hät. Dur das chann mer d Telefonnummere bi Umzüge landeswiit mitneeh.

Ruefnummeremitnaahm

D Umsetzig vo dr europäische Universaldienschtrichtlinie 2002 und andere Beschtrebige zur Ruefnummeremitnahm oder -portierig (bi Mobiltelefone: Mobile Number Portability, MNP) beschränkt d Vorwahl i ihrer Funktion vom Routing, wil s Zielnetz nümme feschtschtaht. Das isch insbesonderi für Least Cost Router es Problem, wo di günschtigschti Verbindig zum Ziel gfinde sölled.

Abfrage

In Düütschland

Telefonuuskunft: https://web.archive.org/web/20190827220340/https://www.telefonbuch.de/

In Öschterriich

Ermittlig vo de Ort bi bekannter Vorwahl:
- Suech Öschterriich

I dr Schwiiz

Lueg bi: Telefonvorwahl (Schwiiz)

Bsunderi Vorwahle

Lueg bi: Sonderruefnummere

Datebank

E Datebank vo allne düütsche Vorwahle isch erhältlich uf dr Website vo dr Bundesnetzagentur under Sachgebiete → Telekommunikation → Regulierung Telekommunikation → Nummernverwaltung → Ortsnetze → Verzeichnisse (https://web.archive.org/web/20060706021738/http://www.bundesnetzagentur.de/enid//Ortsnetze/Verzeichnisse_1gg.html)

Lueg au

Internationali Telefonvorwahl

Weblink

https://web.archive.org/web/20130812020501/http://www.telefonvorwahlen.net/ (Düütschi Ortsvorwahle)
https://web.archive.org/web/20190822231433/https://www.teleauskunft.de/ (Telefonuuskunft basierend uf de regionale Telefonbüecher)
https://web.archive.org/web/20051221045355/http://oetb.teleauskunft.de/DB4Web/es/oetb2ort/oetb_1.htm (Telefonuuskunft basierend uf de Örtliche Telefonbüecher)
https://web.archive.org/web/20060707171254/http://userpage.chemie.fu-berlin.de/diverse/doc/avon.html (Amtlichs Verzeichnis vo de Ortsnetzkennzahle)
https://web.archive.org/web/20190918155044/https://www.herold.at/ (Telefonuuskunft Öschterriich)
http://www.telefonabc.at (Telefonbuch Öschterriich)
http://www.rtr.at (Rundfunk & Telekom Regulierungs GmbH - Öschterriich)
http://www.bundesnetzagentur.de (düütschi Regulierigsbhörde, under anderem für Telekommunikation [bis 13. Juli 2005: RegTP - Regulierigsbhörde für Telekommunikation und Poscht] - Übersicht über de düütschi Nummereruum)
Vorwahl-Verzeichnis
http://www.itu.int/ (Internationali Telekommunikationsunion)
https://web.archive.org/web/20060715193327/http://www.telespiegel.de/festnetz/nationale_ortsvorwahlen_deutschland.php (Düütschi Vorwahlnummere AVON)
https://web.archive.org/web/20160830190749/https://www.klicktel.de/ (Telefonuuskunft mit Inverssuech)
https://web.archive.org/web/20070804133213/http://telefon-vorwahlen.infocentrum.de/vorwahlen.oesterreich.htm (Öschterriichischi Vorwahlnummere)
https://web.archive.org/web/20191009142914/https://tel.search.ch/ (Telefonnummere Schwiiz)
http://www.vorwahl-nummern.de/ (Internationali & nationali Vorwahlnummere Düütschland)

Dä Artikel basiert uff ere fräie Übersetzig vum Artikel „Telefonvorwahl“ vu de dütsche Wikipedia. E Liste vu de Autore un Versione isch do z finde.