Woodlark-Insle
| Woodlark-Insle | ||
|---|---|---|
 | ||
| Gwässer | Pazifik | |
| Geographische Lage | 9° 6′ S, 152° 50′ O | |
| ||
| Flechi | 739 km² | |
| Hechschti Hebi | 410 m | |
D Woodlark-Insle, au Muyuw oder Murua, Tok Pisin Wudlak Ailan, isch e Insle eschtlig vu Neiginea. Bolitisch ghert si zue dr Provinz Milne Bay z Papua-Neiginea.
Geografi
[ändere | Quälltäxt bearbeite]D Insle isch 739 km² groß, dr hegscht Punkt lyt uf 410 m i. NN. Greßeri Ortschaft sin Kulumadau, Guasopa un Kaurai. Z Guasopa hets e Landebahn fir Flugzyyg.
Zue dr Inselgruppe vu dr Woodlark zelle au no Madau un Nusam im Weschte, Nubara im Oschte un d Marshall-Bennett-Insle im Sidweschte.
Gschicht
[ändere | Quälltäxt bearbeite]Dr erscht Europäer, wu zue dr Woodlark-Insle chuu isch, isch dr britisch Seefahrer Charles Grimes (1772-1858) anne 1836 gsii, wu d Insle derno Woodlark gnännt het.
Im Zweete Wältchrieg isch Woodlark vu dr Japaner bsetzt wore.. Am 30. Juni 1943 sin alliierti Druppe uf dr Woodlark-Insle un Kiriwina glandet („Operation Chronicle“). D Navy-SeaBees hän derno in dr Guasopa-Bucht e große Militerflugblatz yygrichtet, s Woodlark-Airfield, hite dr Guasopa-Flughafe.
Bevelkerig
[ändere | Quälltäxt bearbeite]Uf Woodlark un uf dr Insle vu dr Gruppe wird Muyuw gschwätzt, e auschtronesischi Sproch, wu zue dr Gruppe „Papuan Tip“ ghert. D Insle isch Dail vum Kula-Ring gsii.
Dierwält
[ändere | Quälltäxt bearbeite]Suuger, wu uf Woodlark vorchemme:
- Wildsöu (Sus scrofa) - yygfiert
- Myys un Ratte: näbe dr yygfierte Pazifische Ratte (Rattus exulans) no d Arte Rattus mordax un Melomys lutillus.
- Byyteldierarte: Petaurus Brevizeps un Phalanger lullulae,
- Flughundarte: Dobsonia pannietensis, Nyctimene major, Pteropus conspicillatus, Pteropus hypomelanus, Syconycteris australis,
- Fläädermuusarte: Aselliscus tricuspidatus, Emballonura beccarii, Emballonura nigrescens, Hipposideros ater, Kerivoula agnella, Miniopterus australis, Miniopterus macrocneme, Miniopterus propitristis, Miniopterus schreibersii, Rhinolophus megaphyllus,
Weblink
[ändere | Quälltäxt bearbeite]- Woodlark Islands uf oceandots.com
- Sprochcharte vu dr Region uf ethnologue.com
- Woodlark un syy Roll im Zweete Wältchrieg (änglisch)
- Bildergaleri