Yvonne Feri
.jpg)
D Yvonne Feri (* 21. März 1966 z Bade, vo Hedige) isch e Schwiizer Politikerin vo de (SP). Sit em 2011 isch si Nationalrötin.
Läbe
[ändere | Quälltäxt bearbeite]Vom 1998 bis ins 2008 isch d Yvonne Feri Grossrötin im Kanton Aargau gsi und von 2001 bis 2005 Iiwohnerrötin z Wettige. Sit em 2006 isch si derte im Gmeindrot mit em Ressort «Sozials, Vormundschaft und Gsundheit». In de SP isch si sit em 2008 Präsidentin vom Bezirk Bade. Am 23. Oktober 2011 isch si bi de Schwiizer Parlamentswahle mit 28'255 Stimmen uf em vierte Platz vo de Aargauer SP-Kandidate cho, wo drü Sitz im Nationalrot eroberet het. Wil d Pascale Bruderer, wo s beschti SP-Ergäbnis im Aargau gha het, in de Ständerot gwählt worde-n-isch, isch d Yvonne Feri in de Nationalrot nachgrückt.[1] Bi de Nationalratswahle im Oktober 2015 hat sie im Aargau uf em zweite Listeplatz grad hinter em Cédric Wermuth gstande. Si het ihn stimmemässig aber überholt und het so ihre Nationalrotssitz verteidiget. Aafangs 2016 het si mitteild, dass si bi de kommunale Gsamterneuerigswahle im Oktober 2017 nüm für de Wettiger Gmeindrot wird kandidiire und im März het si de Rücktritt um es Johr vorverschobe uf Ändi 2016.[2] Am 12. Auguscht 2016 het d SP vom Kanton Aargau bekannt geh, dass d Yvonne Feri bi de Wahle am 23. Oktober 2016 für de Regiirigsrot kandidiirt.[3]
Weblinks
[ändere | Quälltäxt bearbeite]- Yvonne Feri uf dr Websyte vo dr Bundesversammlig
- Website vo de Yvonne Feri
- Portrait uf de Website vo de Gmeind Wettinge