Azores
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
As Azores (en portugués Os Açores) formen un archipelago d'islas portuguesas situato en mel meyo de l'oceano Atlantico a uns 1.500 km de Lisboa y a uns 3.900 km d'a costa este d'America d'o Norte.
| Rechión Autonoma d'as Azores Região Autónoma dos Açores | |||||
| Rechión autonoma de Portugal | |||||
| |||||
| Entidat • Estato |
Rechión autonoma Portugal
| ||||
| Capital | Ponta Delgada Angra do Heroísmo Horta | ||||
| Idioma oficial | Portugués | ||||
| Superficie • Total |
2 333 km² | ||||
| Población • Total (2011) • Densidat |
246 746 hab. 104 hab/km² | ||||
| ISO 3166-2 | PT-20 | ||||
| President | Vasco Cordeiro | ||||
| Autonomía | 4 de setiembre de 1976 | ||||
| Zona horaria | UTC-1 | ||||
| Prefixo telefonico | +351 292 | ||||
 Azores en Portugal y en a Unión Europea | |||||
| Pachina web oficial | |||||
Cheografía
editar
Ye un conchunto de nueu islas que s'estendillan en dirección norte-ueste sud-este a o largo de mas de 600 kilometros y conforman una aria economica exclusiva d'1,1 millons de kilometros cuadratos. O punto mas occidental d'ista aria se troba a 3.380 km d'America d'o Norte. Fueras d'a isla de Santa Maria, toda a resta tienen orichen volcanico. O mont de Pico, en a isla homonima, ye, con os suyos 2.351 m, a mas alta de Portugal. As Azores son, de feito, os picos d'as montanyas mas altas d'a planeta, si las mesuramos dende a base enta o fundo de l'oceano.
As Azores se situan sobre a Dorsal Centro-Atlantica en una endreitura de contacto entre tres placas: placa nordamericana, placa euroasiatica y placa africana. As islas mes occidentals de l'archipelago (Corvo y Flores) son en a placa nordamericana; as atras son en o contacto entre as placas euroasiatica y africana, que se fa por meyo d'o Rift de Terceira, d'a falla transformant d'Azores-Chibraltar y d'a Microplaca d'Azores.
L'archipelago forma una d'as dos rechions autonomas de Portugal, a Rechión Autonoma d'as Azores. Tien 2.355 km2 y una población de 238.767 habitants (2002). A capital d'as Azores ye a ciutat de Ponta Delgada, en a isla de São Miguel, a mas gran y mas poblata de l'archipelago. As atras dos capitals son Angra do Heroísmo, en Terceira, y Horta, en Faial. Tamién i destacan as ciudaz de Praia da Vitória, tamién en Terceira, y Ribeira Grande, en São Miguel. As nueu islas se dividen en tres grupos:
- O grupo oriental, con São Miguel, Santa Maria y as isletas d'as Formigas.
- O grupo central, con Terceira, Graciosa, São Jorge, Pico y Faial.
- O grupo occidental, con Flores y Corvo.
Etimolochía
editarL'orichen d'o nombre de l'archipelago no se conoixe con exactitut. Tradicionalment, se diz que deriva de l'azor (açor en portugués), porque se suposa que yera un au que i yera habitual en l'inte d'o descubrimiento. De feito, manimenos, nunca no bi'n ha habito en as islas. Bels historiadors piensan que o toponimo tien o suyo orichen en a embotada antiga en portugués azures (atzurs, ye decir, azuls) por a color azul d'as islas vistas dende luent. A mayoría, manimenos, creye que o nombre deriva d'as aus, si bien no d'as astors sino d'una subespecie local d'esparver (Buteo buteo), que sería l'animal que os primers exploradors identificoron erroniament con aquels.
Rechión Autonoma d'as Azores
editarA Rechión Autonoma d'as Azores (en portugués Região Autónoma dos Açores) ye un territorio de Portugal con autonomía politica y administrativa y, alavez, una rechión ultraperiferica d'a Unión Europea que cheograficament corresponde a l'archipelago d'as Azores.
As islas no tienen existencia churidica propia aintro de l'ordenamiento territorial de l'archipelago, fueras d'a lei electoral rechional, en a que sirven de base ta as circumscripcions electorals. Iste feito ha prebocato cuantas criticas, ya que promueve a sobrerrepresentación d'as islas menos poblatas en l'Asamblea Rechional y creba a proporcionalidat.
Municipios
editar
L'archipelago se divide administrativament en 19 municipios:
Personaches famosos
editarReferencias
editar- NUÑEZ SEIXAS, Xosé M. (1998), Movimientos nacionalistas en Europa en el siglo XX, Madrid, Síntesis (Historia Universal Contemporánea, 26).
- FERNANDEZ ARMESTO, Felipe (1996), Los hijos de Zeus, Barcelona, Grijalbo.
- JANKE, Peter (1983), Guerrilla and terrorist organisations, Oxford, Harvest Press.
Vinclos externos
editar
Se veigan as imáchens de Commons sobre as Azores.- (pt) Açores.com
- (ca) Fotografies de les illes Açores
- (en) The Azores Islands
- (pt) PNA Partido Nacionalista dos Açores
- (pt) PIFA Partido Independente Federalista Açoriano
