Canadá

	Canadá; Canada
(En detalle)	(En detalle)
	Lema nacional: A Mari Usque Ad Mare; (Latín; «De mar a mar»)
	Himno nacional: O Canada; Himno reyal: God Save the King
	Situación de Canadá
Capital	Ottawa
Mayor ciudat	Toronto
Idiomas oficials	Anglés y francés
Forma de gubierno Rei; Gubernador cheneral; Primer ministro	Monarquía parlamentaria ; Carlos III; Mary Simon; Justin Trudeau
Independencia; Declarada; Reconoixida	d'o Reino Uniu; 1 de chulio de 1867; 11 d'aviento de 1931
Superficie; • Total ; • % augua ; Mugas	Posición 2º; 9.984.670 km² ; 8,62% ; 8.800
Población; • Total (2021); • Densidat	Posición 39º; 36.991.981; 4,2 hab/km²
PIB (PPA); • Total (2021); • PIB per capita	Posición 9º; USD 2.015.983 millons; USD 52.791
Moneda	Dólar canadiense (C$, CAD)
Chentilicio	Canadiense
Zona horaria ; • en Verano	UTC-3,5 a -8 ; UTC-2,5 a -7
Dominio d'Internet	.ca
Codigo telefonico	+11
Prefixo radiofonico	XJA-XOZ
Codigo ISO	124 / CAN / CA
	Miembro de: ONU, OEA, OTAN, APEC, OCDE, OSCE

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Canadá (en anglés y francés: Canada) ,ye o segundo país mas grande y o mas septentrional d'o mundo, ocupando a mayor parti d'o territorio d'America d'o Norte, mugando a lo sud con os Estaus Unius y a o norueste con o estau estausunidense d'Alaska; a l'ueste muga con l'oceano Pacifico, a l'este con l'oceano Atlantico y a o norte con l'oceano Glacial Arctico (por ixo o suyo lema nacional, A Mari Usque Ad Mare, ye decir, de mar a mar).

Ye una federación escentralizada de diez provincias y tres territorios, gubernada como una monarquía constitucional parlamentaria. O rei ye Carlos III, o Gubernador cheneral ye David Johnston, y o primer ministro de Canadá ye Justin Trudeau. En estar un territorio a on se i charra francés y anglés, istas dos luengas son idiomas oficials de Canadá; sindembargo, Québec ye uficialment monolingüe francesa, y Nueva Brunswick y o territorio d'o Yukón son oficialment bilingües, estando monolingües angleses o resto de territorios y provincias. Antiparte, en os Territorios d'o Norueste se i charran legalment 11 luengas, incluyindo-ie o francés y l'anglés, amás d'atras luengas inuit.

A suya población humana ye de 34.157.950 habitants (2009) en una superficie de 9.984.670 km², con una densidat de población de 3,42 hab/km². A suya capital ye a ciudat d'Ottawa, y as prencipals ciudaz d'o país son Toronto, Mont-Reyal, Vancouver, Calgary, Ottawa, Edmonton, Québec, Winnipeg y Hamilton.

L'actual Canadá fue descubierto en 1534 por o francés Jacques Cartier, y se convertió alavez en una colonia francesa, con capital en a ciudat de Québec, establita en 1608 por Samuel de Champlain en a val d'o río Sant Lorient. Sindembargo, mientres a Guerra d'os Siet Anyos os britanicos conquerioron o territorio en 1763 y l'adhibioron ta cutío a l'Imperio Britanico. Canadá se convertió en independient d'o Reino Uniu en un luengo proceso pacifico, que prencipió en 1867 y no remató dica os anyos 1980.

Etimolochía

Os historiadors afirman que o nombre de Canadá s'aplicaba orichinalment nomás que a o territorio d'a ciudat de Québec y a la suya comarca, y pareix que ye un nombre d'orichen iroqués, con o significato de "lugar de cabanyas"; con iste nombre se designaba a o lugar a on i hibernaban as tribus d'os iroqueses en a primera metat d'o sieglo XVI, cuan plegó a la redolada o explorador francés Jacques Cartier, qui estió o primero qui en fació emplego ta designar uno d'os "reinos" (fácil que un conchunto humán rechito por un mesmo chefe, como gosaban fer as tribus amerindias).

Mientres o sieglo XVII, os franceses estendilloron a denominación de "Canadá" ta toz os territorios que formaban o suyo dominio colonial en l'actual Canadá, estando a denominación popular ta o nombre que oficialment yera Nueva Francia (Nouvelle France en francés, estando tamién o nombre de Canadá o nombre esleito por os britanicos ta nombrar a los suyos territorios colonials en a comarca, y tamién ta tot Canadá cuan redotoron a los francees en a Guerra d'os Siet Anyos y conquirioron tot o suyo dominio colonial t'adhibir-lo a la suya propia colonia de Canadá.

Cheografía

Ta más detalles, veyer l'articlo Cheografía de Canadáveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Mapa fisico de Canadá.

Canadá ocupa a mayor parte d'a porción septentrional d'o continent d'America, mugando a o norueste con o estau d'Alaska, que fa parte d'os Estaus Unius, y por o sud con cuantos estaus d'ixe mesmo país; s'estendilla d'este enta ueste entre l'oceano Atlantico y l'oceano Pacifico, mugando a o norte con l'oceano Glacial Arctico. Amás d'as suyas mugas terrestres, tien una muga maritima a l'este con Groenlandia, que fa parte de Dinamarca, y tamién con a minuscla posesión francesa de Saint-Pierre y Miquelon, clavata en l'oceano Atlantico debant d'a costa canadiense y zaguer repui d'os dominios colonials franceses en Canadá.

Con una superficie de 9.984.670 km², ye o segundo país d'o mundo por superficie total dezaga de Rusia, encara que si se para cuenta nomás d'a superficie d'a tierra emerchita, descontando-ie a superficie ocupata por l'augua, nomás en ye o cuatreno, en estar cuasi o 9% d'a superficie de Canadá ocupata por lacos y ríos. Sindembargo, con una densidat de población de 3,42 hab/km², Canadá se converte en uno d'os países d'o mundo con una menor densidat de población, en estar a mayor parte d'o territorio canadiense cubierto por cheleras y por una capa de permafrost u suelo chelato permanentment. A mayor parte d'a población canadiense vive en a comarca que se troba a o canto d'os Grans Lacos d'America d'o Norte y d'o río Sant Lorient, en as provincias d'Ontario y Quebec.

Cheografía fisica

Cheografía politica

Mapa politico de Canadá, con as suyas provincias y territorios.

Administrativament, o territorio canadiense ye una federación que se troba dividita en diez provincias y 3 territorios, agrupatos en cuatre rechions cheograficas: Canadá de l'Ueste, Canadá Central, Canadá Atlantico y Canadá d'o Norte, estando o Canadá d'o Norte a suma d'os tres territorios arcticos de Canadá; antiparte, cuan se charra de Canadá de l'Este se fa referencia a os territorios d'o Canadá Atlantico y d'o Canadá Central.

Encara que Canadá politicament ye organizato como una federación y no como una confederación, as provincias canadienses (que tienen una autonomía mas gran que os territorios de Canadá) tienen a responsabilidat politica d'a mayor parte d'as politicas socials d'o país (encara que cal parar cuenta que istas politicas socials nomás pueden iniciar-se que por iniciativa d'o estau central), convertindo-se asinas as provincias en qui fan a mayor parte d'o gasto publico social en o pais, recebindo-ie en consecuencia a parte mas gran tamién en os impuestos d'o país. O Gubierno central fa unas compensacions a las provincias menos ricas ta garantir uns nivels menimos en os servicios en tot o país.

Provincia/Territorio	Codigo ISO	Abreviadura	Capital	Dentrada en a Confederación	Población (2008)^[2]	Superficie (km²)
Provincia/Territorio	Codigo ISO	Abreviadura	Capital	Dentrada en a Confederación	Población (2008)^[2]	Tierra	Augua	Total
Ontario ¹	ON	Ont.	Toronto	1 de chulio de 1867	12.891.787	917.741	158.654	1.076.395
Quebec ¹	QC	P.Q., Que.	Quebec		7.744.530	1.356.128	185.928	1.542.056
Nueva Escocia²	NS	N.S.	Halifax		935.962	53.338	1.946	55.284
Nueva Brunswick ²	NB	N.B.	Fredericton		751.527	71.450	1.458	72.908
Manitoba³	MB	Man.	Winnipeg	15 de chulio de 1870	1.196.291	553.556	94.241	647.797
Columbia Britanica²	BC	B.C.	Victoria	20 de chulio de 1871	4.428.356	925.186	19.549	944.735
Isla d'o Prencipe Eduardo²	PE	P.E.I.	Charlottetown	1 de chulio de 1873	139.407	5.660	—	5.660
Saskatchewan ⁴ ⁵	SK	Sask.	Regina	1 de setiembre de 1905	1.010.146	591.670	59.366	651.036
Alberta ⁴ ⁵	AB	Alta.	Edmonton	1 de setiembre de 1905	3.512.368	642.317	19.531	661.848
Terranova y Labrador²	NL	N.L., Nfld.	Saint John's	31 de marzo de 1949	508.270	373.872	31.340	405.212
Territorios d'o Norueste	NT	N.W.T.	Yellowknife	15 de chulio de 1870	42.514	1.183.085	163.021	1.346.106
Yukón⁵	YT	Y.T.	Whitehorse	13 de chunio de 1898	31.530	474.391	8.052	482.443
Nunavut⁵	NU	?	Iqaluit	1 d'abril de 1999	31.152	1.936.113	157.077	2.093.190

Notas:

Antis d'establir-se a Confederación, Ontario y Quebec formaban a provincia de Canadá.
Nueva Escocia, Nuevo Brunswick, a Columbia Britanica y a Isla d'o Prencipe Eduardo yeran colonias deseparatas cuan s'unioron a la Confederación. Antis d'a suya dentrada, Terranova yera un Dominio d'a Commonwealth Britanica.
Manitoba se formó chunto con os Territorios d'o Norueste.
Saskatchewan y Alberta fuoron establitas a partir d'os Territorios d'o Norueste.
Canadá no adquirió nuevo territorio ta creyar Yukón, Alberta, Saskatchewan u Nunavut; istos se formoron a partir d'os Territorios d'o Norueste.

Historia

Ta más detalles, veyer l'articlo Historia de Canadáveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Esporte

Clara Hughes medallista en os Chuegos Olimpicos d'hibierno.

O esporte en Cananá ye muit variato, os esportes d'equipe mes populars son o hockey chelo, o fútbol canadiense tamién conoixito como gridiron, o baloncesto, o fútbol, o beisbol y o curling. Os esportes individuals mes practicatos son l'atletismo, o ciclismo, o triathlon, a natación, o boxeyo o golf y belatros menos conoixitos.

Canadá ha partecipato en toz os Chuegos Olimpicos de verano fueras d'os primers celebratos en Atenas en 1896.

Competicions esportivas

Canadá ha organizato tres Chuegos Olimpicos (os Chuegos Olimpicos de Mont-reyal 1976 y dos edicions d'os Chuegos Olimpicos d'Hibierno, os de Calgary 1988 y os de Vancouver 2010).

Chuegos Olimpicos

Canadá en os Chuegos Olimpicos.

Canadá en os Chuegos Olimpicos ye representau per o Comité Olimpico Canadiense, miembro d'o Comité Olimpico Internacional dende l'anyo 1907.

Ha participau en 27 edicions d'os Chuegos Olimpicos de Verano, a suya primera presencia estió en París 1900. En as edicions de verano o país ha obteniu un total de 326 medallas : 71 d'oro, 110 darchent y 145 de bronce.

En os Chuegos Olimpicos d'Hibierno ha participau en totas as edicions en as que ha aconseguiu un total de 225 medallas: 77 d'oro, 72 d'archent y 76 de bronce.

Este país estió anfitrión d'os Chuegos Olimpicos de Verano en una ocasión en Montreal 1976, y d'os Chuegos Olimpicos d'Hibierno dos vegadas, Calgary 1988 y Vancouver 2010.

Vinclos externos

Se veigan as imáchens de Commons sobre Canadá.
Pachina web oficial d'o Gubierno de Canadá.

Referencias

↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (en) Statistics Canada Population Estimates (1/4/2008).

Estaus d'America d'o Norte
Antigua y Barbuda \| Bahamas \| Barbados \| Belize \| Canadá \| Chamaica \| Costa Rica \| Cuba \| Dominica \| Republica Dominicana \| El Salvador \| Estaus Unius \| Grenada \| Guatemala \| Haití \| Honduras \| Mexico \| Nicaragua \| Panamá \| Sant Cristofo y Nieus \| Santa Lucia \| Sant Vicent y as Granadinas \| Trinidad y Tobago
Dependencias: Anguila \| Aruba \| Bermudas \| Islas Vírchens Britanicas \| Islas Caimán \| Clipperton \| Curaçao \| Groenlandia \| Guadalupe \| Martinica \| Montserrat \| Isla Navassa \| Puerto Rico \| Saint-Barthélemy \| Saint-Martin \| Saint-Pierre y Miquelon \| Sint Maarten \| Islas Turcas y Caicos \| Islas Vírchens d'os Estaus Unius

Datos: Q16
Multimedia: Canada / Q16

[DORTO-1] (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[2] (en) Statistics Canada Population Estimates (1/4/2008).

[1]

[2]