Academia de l'Aragonés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'Academia de l'Aragonés ye un organo creyato o 15 de chulio de 2006 por o II Congreso de l'Aragonés con l'obchectivo d'estar l'autoridat lingüistica de l'aragonés. Actualment no tiene reconoiximiento explicito por o Gubierno d'Aragón, y a suya forma churidica ye la d'una asociación cultural baixo lo nombre Estudio de Filología Aragonesa, pero se la conoixe de toz como Academia de l'Aragonés. Tiene a suya seu en Zaragoza.

Os obchectivos de l'Academia, seguntes as ordinacions homologatas en dito Congreso, son:

Investigar todas as manifestacions orals y escritas de l'aragonés.
Replegar y actualizar o suyo lexico.
Fixar a suya toponimia y onomastica.
Investigar y formular leis ortograficas, gramaticals y foneticas ta todas as modalidaz de l'aragonés.
Fixar, desembolicar y amillorar a modalidat stándard.

y procurar o respeto a os dreitos linguisticos d'os suyos fabladors.

O suyo primer consello de gubierno provisional estió presidito por José Lera. O primer pleno estió celebrato lo 28 d'octubre de 2006 en a Deputación Provincial de Zaragoza, establindo-se-ie asinas un nuevo consello de gubierno de l'Academia, esleito seguntes as ordinacions, con Manuel Castán como president.

O 18 de noviembre de 2010 se presentó publicament en Zaragoza a Propuesta Ortografica de l'Academia de l'Aragonés, dimpués d'un proceso publico de replega d'esmiendas y socherencias a la mesma.^[1]

L'Academia de l'Aragonés edita a colección de publicacions dichitals EDACAR (Edicions Dichitals de l'Academia de l'Aragonés) en do que se publican, en formato dichital y de libre distribución, asayos, articlos y monografías sobre l'aragonés.

Miembros

A nomina actual de miembros de l'Academia de l'Aragonés ye:

Manuel Castán, President
Juan José Lagraba, Tresorero
José Lera
Chabier Lozano, Vocal
Francho Rodés, Vicepresident
Fernando Romanos
Ánchel Lois Saludas
Fernando Sánchez
Chusé María Satué
Juan José Segura, Vocal
Quino Villa
Antonio Plaza Boya (dende o 24 de noviembre de 2007)
Feliciano Martínez Tur (dende o 16 de marzo de 2013)
Miguel Ánchel Barcos Calvo (dende octubre de 2014)
Chorchi Díaz Gómez (dende octubre de 2014), Vocal
Juan Pablo Martínez Cortés (dende octubre de 2014), Secretario
Mª Teresa Moret Oliver (dende octubre de 2014)
Santiago Paricio Martín (dende octubre de 2014), Vocal
Guillermo Tomás Faci (dende octubre de 2014), Vocal

O 14 de mayo de 2007 l'Academia de l'Aragonés, achuntata en sesión extraordinaria, nombró a os suyos cinco primers Academicos d'Honor, que fueron homenachiatos o 24 de noviembre de 2007 en a seu d'o Gubierno d'Aragón. Ista nomina s'enampló o 12 d'abril de 2008 y o 21 de marzo de 2009 con a proclamación como Academicos d'Honor de Michael Metzeltin, catedratico de Lingüistica y Didactica d'as Luengas Romanicas d'a Universidat de Viena, y de Xabier Kintana Urtiaga, escritor y secretario d'Euskaltzaindia.

Os Academicos d'Honor son:

En a sesión plenera celebrada o 15 d'aviento de 2012 a entidat nombró os primers Miembros Correspondients ta colaborar en as fayenas de codificación.^[2]^[3]. Os miembros correspondients yeran: