Almendrón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre un tipo de roca sedimentaria. Ta atros emplegos se veiga Almendrón (desambigación)

Almendrón en Death Valley

Un almendrón ye una roca sedimentaria detritica formada por ruellos de glera u cantals unius por un cemento de precipitación quimica y a vegadas una matriz.

Se considera almendrón cuan os fragmentos de roca son mayors de 2 mm, mayors que los de l'arena.

Un ambient tipico de sedimentación d'almendrons son os ríos, quedando a man de l'antigo cauz por fer falta mes enerchía pa mover os ruellos que l'arena, o limo u l'archila.

Os almendrons con cantals angulosos han sedimentau en ambients continentals de semontano por l'acción de torrents.

En a depresión d'Ebro ha estau tipica a sedimentación en as marguins de cuenca de ruellos de glera y cantals traitos por ríos dende os Pireneus, Sistema Iberico y as Catalanides. Os almendrons que n'han resultau s'han cementau con carbonato calcico, y han desembolicau un modelau en mallos por a disolución d'este carbonato a favor de diaclasas verticals. Esto se vei en os Mallos de Riglos, Mallos d'Agüero, sierra de Santo Domingo, Los Fayos, La Pesquera (Beceit) y Roques del Masmut (Penyarroya).

En a compleganza d'o río Martín se reculle a denominación de piedra de haba, que puet estar un leyonesismo introduciu por os meners asturianos y leyoneses que conoixerían a denominación de piedra de faba en astur-leyonés.

Referencias

• Datos: Q191704
• Multimedia: Conglomerate / Q191704