Biodiversidat

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Anvista d'una selva en la ribera de lo río Gambia en lo Parque Nacional de Niokolo-Koba, en Senegal, eixemplo de puesto d'alta biodiversidat situau en lo tropico.

Biodiversidat ye lo grau de variación de los sers vivos. Ye una mesura de la variedat d'organismos presents en diferents ecosistemas. Se puet referir a variabilidat chenetica, a la variedat d'ecosistemas u a la variedat d'especies (numero d'especies) en un aria, bioma u en la planeta Tierra. La biodiversidat terrestre tiende a estar la mes gran cerca de lo ecuador, que pareixe estar resultau de lo clima calido y l'alta productividat primaria. La biodiversidat no se distribuye igual en la planeta Tierra, en los tropicos ye mes gran. La biodiversidat marina tiende a estar la mes gran en las costas de lo Pacifico occidental, a on la temperatura superficial ye la mes gran, en la banda de latitutz meyas de toz los oceanos. Bi ha gradients latitudinals en la diversidat d'especies. La biodiversidat tiende a concentrar-se en zonas activas, y ha iu creixendo a traviés de lo tiempo, pero ye probable que siga mes baixa en lo futuro a causa de los problemas medioambientals actuals.

La biodiversidat se puet considerar un recurso natural porque se puet fer servir pa lo profeito nuestro: fuent d'alimentos, materias primas y medicinas.

Perda de biodiversidat

En la historia de la Tierra bi ha habiu episodios de gran caita de la biodiversidat que se consideran extincions masivas. En l'actualidat l'actividat humana ha accelerau lo proceso d'extinción d'especies y se considera que se ye producindo una extinción masiva d'orichen antropico. Se considera la perda de biodiversidat como un impacto ambiental, y las causas de perda de biodiversidat se pueden agrupar en sobreexplotación, alteración y destrucción de l'habitat y introducción y substitución d'especies. La extinción d'una especie ye un impacto ambiental irreversible.

Introducción y substitución de especies

Ta más detalles, veyer l'articlo Especie introducidaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Ta más detalles, veyer l'articlo Especies introducidas en Aragónveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Ta más detalles, veyer l'articlo Mundialización d'especiesveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Lo musclo zebra ye una especie invasiva introducida en Aragón.

La introducción d'especies en ecosistemas a on no yeran presents produce un desequilibrio que afecta a lo ret trofico. La especie que coincide en lo mesmo nicho ecolochico compite por los mesmos recursos y, de las dos especies la que queda en desventalla remata desapareixendo.

En la Peninsula Iberica la introducción de diferents especies de crancos de riu han contribuiu a la regresión de lo cranco de riu autoctono Austropotamobius pallipes. Atras introduccions han iu mes luent que no la simple regresión de la especie con igual nicho y han produciu desequilibrios que han feito un gran impacto en tot un ret trofico, como ye la introducción de lo musclo zebra en l'Ebro, que constituye una bioinvasión.

Sobreexplotación

La sobreexplotación fa que un recurso renovable deixe d'estar-ne por un ritmo d'obtención mes rapedo que la suya velocidat de renovación. L'hombre primitivo cazataire-recullidor ya fació una sobreexplotación en forma de sobrecaza que condució en Eurasia a la desaparición de la fauna de lo frido pleistocenica. En la cuenca mediterrania la sobreexplotación agraria ya produció los suyos efectos en l'Antiguedat producindo una important erosión de lo suelo. Dimpués de la sobreexplotación agraria encara se puet dar un uso ganadero a lo terreno, lo que remata en un sobrepastoreyo, en mes erosión y en desertificación, como ha esdeveniu en la depresión d'Ebro y en las zonas calsinosas de las comunidaz aragonesas de lo Sistema Iberico.

Dende tiempos de lo colonialismo s'ha iu producindo una sobreexplotación creixient que contina en lo mundo industrial actual por la continación de las actividaz anteriors y tamién la sobrepesca, lo comercio ilegal y lo coleccionismo abusivo.

Conservación de la biodiversidat

Entrada en la Reserva de la Biosfera d'Ordesa-Comachibosa.

En muitos países bi ha leis pa conservar ciertas especies. A part de leis medioambientals y sobre caza y pesca, tamién bi ha espacios protechius con diferents categorías: parques nacionals, parques naturals, reservas naturals y atras feguras de protección.

La lechislación espanyola y europea contempla la figura de "Paisache Protechiu": parz de lo territorio con valuras naturals, culturals y esteticas que merecen una especial protección. En Aragón en ye eixemplo lo pinar de Rodeno de la Sierra d'Albarracín.

Una fegura creyada por la UNESCO ye la de "Reserva de la Biosfera" con la fin de protecher determinaus puestos de la planeta d'especial interés a propuesta d'uns cuantos países. Las reservas de la biosfera han d'estar representativas d'ecosistemas naturals y han d'estar centros de protección, investigación y ensenyamiento. Un eixemplo de Reserva de la Biosfera en Aragón ye la Reserva de la Biosfera d'Ordesa-Comachibosa.

Referencias

• Datos: Q47041
• Multimedia: Biodiversity / Q47041