Bordeus
| Bordeus Bordeaux | |||
| Comuna de Francia | |||
| |||
 Place de la Victoire | |||
| Estau • País • Rechión • Departam. • Districto • Cantón |
 Francia OccitaniaNueva Aquitania (prefectura) Gironda (prefectura) Bordeus (capital) Capital de 5 cantons: Bordeus-1, 2, 3, 4 y 5 | ||
| Mancomunidat | Mancomunidat urbana de Bordeus (CUB) | ||
| Superficie | 49,36 km² | ||
| Población • Total • Densidat |
261 804 hab. (2014) 4.363 hab/km² | ||
| Altaria • Meyana • Maxima • Minima |
6 m 42 m 1 m | ||
| Alcalde | Pierre Hurmic | ||
| Codigo postal | 33000, 33100, 33200, 33300, 33800 | ||
| Codigo INSEE | 33063 | ||
| Chentilicio | Bordelés/a[1] | ||
| Coordenadas | |||
.svg)
.svg)
Bordeus (Bordèu [buɾˈðɛw] en occitán; Bordeaux en francés) ye un important puerto d'o Sudueste de Francia, capital d'a provincia d' Nueva Aquitania y prefectura u capital administrativa d'o departamento de Gironde. Ye a capital historica d'as rechions de Gascunya y Guyena.
Fa parte d'a Organización d'as Ciudaz d'o Patrimonio d'a Humanidat.
Un bordeus puede estar de vegada o vin que s'elabora en o país.
Cheografía
[editar | modificar o codigo]A ciudat ye construita sobre o estuario d'o río Garona, estallata per tanto en dos cantos.
Demografía
[editar | modificar o codigo]En 2018, a ciudat teneba 257.068 habitadors en o distrito municipal y 801.041 en l'aria metropolitana. Ta febrero de 2004, s'esmaba una población de 229.500 habitants.
Os habitadors de Bordeus son bordeleses. A luenga parlata cheneralment y oficial ye o francés, bien que a parla autoctona bordelesa ye una variant d'o dialecto gascón, clasificato en a luenga occitana.
Historia
[editar | modificar o codigo]- Fue fundata arredol de l'anyo 300 aC. per os romanos, que la clamoron Burdigala.
- Fue saqueyata per as tropas d' Abderramán en 732, dimpués d'haber redotato a o duque Eudes.
- Entre os sieglos XII y XV, Bordeus estió un feudo d'o rei d'Anglaterra.
- O sieglo XVIII significó lo suyo sieglo d'oro gracias a o comercio con as Indias occidentals. Os hotels d'os muelles proceden d'iste periodo.
- En a Primer Guerra Mundial, o gubierno francés se retiró ta ista ciudat.
Vins
[editar | modificar o codigo]A rechión de Bordeus ye cuna d'os mas prestichiosos productors de vin d'o mundo. Se i fan igual de tintos como de blancos.
O Bordeus tinto s'elabora per un regular a partir d'una mezcla d' ugas que puede estar de Cabernet Sauvignon, Cabernet Franc, Merlot, Petit Verdot y Malbec. O bordeus blanco s'elabora a partir de Sauvignon Blanc, Semillon y Muscadelle.
A rechión vinicola de Bordeus ye estallata en subrechions, entre as cuals Saint Émilion, Pomerol, Médoc y Graves. Istos cinco tintos Premier Cru (cuatre de Médoc y un, o Chateau Haut-Brion, de Graves), instituitos per a Clasificación oficial de vins de Bordeus de 1855, se troban entre os mas caros y que mas requesta leban d'o mundo:
- Château Lafite-Rothschild
- Château Margaux
- Château Latour
- Château Haut-Brion
- Château Mouton-Rothschild
Sauternes ye una subrechión de Graves, conoixita per os suyos vins blancos dulces ta postres, como lo Château d'Yquem.
Administración
[editar | modificar o codigo]Alcaldes
[editar | modificar o codigo]| Lechislatura | Nombre | Partito politico |
|---|---|---|
| 1925–1944 | Adrien Marquet | Section Française de l'Internationale Ouvrière |
| 1944–1947 | Jean-Fernand Audeguil | Section Française de l'Internationale Ouvrière |
| 1947–1953 | Jacques Chaban-Delmas | Rassemblement pour la République |
| 1953–1959 | Jacques Chaban-Delmas | Rassemblement pour la République |
| 1959–1965 | Jacques Chaban-Delmas | Rassemblement pour la République |
| 1965–1971 | Jacques Chaban-Delmas | Rassemblement pour la République |
| 1971–1977 | Jacques Chaban-Delmas | Rassemblement pour la République |
| 1977–1983 | Jacques Chaban-Delmas | Rassemblement pour la République |
| 1989–1995 | Jacques Chaban-Delmas | Rassemblement pour la République |
| 1995–2001 | Alain Juppé | Rassemblement pour la République |
| 2001–2004 | Alain Juppé | Rassemblement pour la République |
| 2004–2006 | Hugues Martin | Union pour un Mouvement Populaire |
| 2006–2014 | Alain Juppé | Union pour un Mouvement Populaire |
Climatolochía
[editar | modificar o codigo]| Mes | Chi | Feb | Mar | Abr | May | Chn | Chl | Ago | Set | Otu | Nob | Abi | |
|---|---|---|---|---|---|---|---|---|---|---|---|---|---|
| Temp. mas. meya (°C) | 9 | 11 | 14 | 16 | 19 | 23 | 26 | 26 | 23 | 18 | 13 | 10 | |
| Temp. min. meya (°C) | 2 | 3 | 4 | 6 | 10 | 13 | 15 | 15 | 12 | 9 | 5 | 3 | |
| Meya (°C) | 6 | 7 | 9 | 11 | 15 | 18 | 21 | 21 | 18 | 14 | 9 | 7 | |
| Plebida meyas (mm) | 76 | 64 | 66 | 66 | 71 | 66 | 53 | 58 | 71 | 86 | 89 | 86 | |
| Fuent : The Weather Channel Météo France | |||||||||||||
Personaches celebres
[editar | modificar o codigo]Entre os bordeleses mas conoixitos, i feguran:
- Ricardo II d'Anglaterra (1367-1400).
- Michel de Montaigne (1533-1592), filosofo y escritor.
- François Mauriac (1885-1970), escritor, Premio Nobel de literatura en 1952.
- René Clément (1913-1996), director cinematografico.
Bels puestos d'intrés y molimentos
[editar | modificar o codigo]- Seu de Sant Andreu.
- Chardín Botanico
- Musée d'Aquitaine (Museu d'Aquitania)
- Musée des Beaux-Arts (Museu de Bellas Artes)
- Monument aux Girondins (Molimento en a Place des Quinconces)
- Grand Théatre (En a Place de la Comédie)
- Palais Rohan (Palacio Rohan, que ye a seu d'o concello d'a ciudat)
- Pont de Pierre (Puent de Piedra)
- Allées de Tourney
Altros datos
[editar | modificar o codigo]L'actual alcalde de Bordeus ye Alain Juppé, de l'UMP (Unión per un Movimiento Popular).
L'equipo de futbol local ye o Girondins de Bordeaux.
Localidaz achirmanatas
[editar | modificar o codigo]
Referencias
[editar | modificar o codigo]- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Vinclos externos
[editar | modificar o codigo]
Se veigan as imáchens de Commons sobre Bordeus.- Pachina web oficial municipal.
| Control d'autoridaz |
|
|---|
