CASA C-212 Aviocar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

CASA C-212 Aviocar
CASA C-212 Aviocar
Datos chenerals
Tipo	Avión de transporte
Fabricant	CASA EADS CASA Airbus Military Indonesian Aerospace (baixo licencia)
Periodo	1974-actualidat
Grandaria
Largaria	16,15 m
Altaria	6,60 m
Envergadura	20,28 m
Superficie alas	41 m²
Peso	4,4 t
Especificacions
Motor	2 x Garrett TPE-331-10R-513C
Altaria maxima	7.925 m
Uso
Estato	En servicio
Operador	Exercito de l'Aire
Atros usuarios	Fuerzas Armadas d'Indonesia Reyal Fuerza Aeria Saudita Fuerza Aeria Portuguesa
Producción
Unidaz construyitas	483
Coste unitario	8 millons de $

CASA C-212 Aviocar ye un avión de transporte desembolicau por CASA. O suyo primer vuelo estió en 1971. Tien dos motors Garrett AiResearch TPE-331-10R-513C , una velocidat maxima de 370 km/h , un alcanz de 1433 km y capacidat de carriar 2820 kg. S'han construyiu 483 unidaz.

O CASA C-212 Aviocar, propulsau por dos turbohelizes y con capacidat STOL, ha estau fabricau en Espanya dende comienzos d'os anyos 1970. A partir de l'anyo 2000, con a incorporación de CASA a o grupo aeronautico europeu EADS, o C-212 pasó a estar designau EADS CASA C-212. Inicialment estió comercializau baixo o nombre de Aviocar, pero EADS CASA ya no utiliza ixe nombre pa referir-se a ista aeronau. Tamién ye produciu baixo licencia en Indonesia por a companyía Indonesian Aerospace (PT Dirgantara Indonesia en indonesio), antis mas clamada IPTN, siglas de Industri Pesawat Terbang Nusantara u Industri Pesawat Terbang Nurtanio, u simplament Nurtanio, baixo a denominación de NC-212.

A suya designación como que C-212 sigue o esquema d'os avions disenyaus por CASA, con a C inicial d'o fabricant y contino un numero de tres dichitos, d'os cuals o primer corresponde a o numero de motors, dos en iste caso, habendo-se trigau os dos siguients por o numero de pasachers que se plantió como objetivo: 12.

O 28 d'aviento de 2012, estió entregau o zaguer avión que salió d'a linia de montache espanyola, que feba o numero 477 d'o total. Con él se clausuró a linia de montache final d'Airbus Military en Espanya, que estió trespasada a Indonesia, an en o futuro Airbus Military y Indonesian Aerospace (que ya heba produciu tamién as series 100 y 200) fabricarán conchuntament en Bandung una nueva serie d'o modelo.

En total as vendas d'o C-212 suman 478 aparatos, d'os cuals 126 han estau fabricaus baixo licencia por IPTN. A previsión d'EADS-CASA yera de 85 avions mas en o periodo 2007-2016.​ 92 usuarios, entre éls 31 militars y mas de 50 companyías civils, l'han volau en toz, constituindo, de luent, o mayor exito d'a industria aeronautica espanyola.

Referencias

• Datos: Q6497
• Multimedia: CASA C-212 / Q6497