Ciclismo

O ciclismo ye un esporte con cuantas especialidaz, con a nota común todas ellas de fer-se en una bicicleta por una persona clamata ciclista. Puet estar nomás una actividat d'ocio u fer-se como competición esportiva, poseyendo alavez as suyas Federacions y Reglamentos. Bi ha asinas o ciclismo en rota, o ciclismo en pista, o ciclocross, o ciclismo de montanya, o cicloturismo, etc. As competencias sobre a reglamentación d'istos esportes son d'a Unión Ciclista Internacional (UCI). Antiparte, ye un esporte olimpico.

Modalidaz

Ciclismo en rota. Se fa por carreteras, circuitos u carreras.
- Prebas d'un día:
  - Prebas clasicas: son carreras d'una durada d'un día, a ormino entre dos ciudaz (París-Roubaix u Lidje-Bastogne-Lidje).
  - Criteriums: carreras en circuito, a ormino de menos de 100 km de longaria.
  - Contrareloch: carrera individual, en a que toz os ciclistas fan o mesmo recorrito, encara que en moments diferents.
  - Cronoescalata: una carrera contrareloch en montanya.
  - Contrareloch por equipos: se corre no pas individualment, so que con toz os corredors d'o mesmo equipo agrupatos.
- Prebas de cuantos días, en combinando etapas de montanya, de plana, contrarreloch, cronoescalatas, etc.
Ciclismo en pista, que se fa en una instalación especial, clamata velodromo.
- Velocidat: A competición ye por parellas, en una distancia de 1.000 metros, encara que nomás conta o tiempo emplegato en recorrer os zaguers 200 metros.
- Kilometro en salita parata: Prueba contrareloch individual en una distancia de 1.000 metros.
- Persecución individual: competición uno contra uno, con salita de cadagún dende un puesto diferent d'o velodromo tentando de cazar-se'n mutuament.
- Persecución por equipos: igual que l'anterior, pero en equipos de 4 corredors, estando o tercer corredor en trescruzar a meta qui da o tiempo a o suyo equipo.
- De fundo por puntos: carrera en grupos d'una longaria de 50 km, con sprint cada 1.500 metros, con puntuación cumulativa.
- Keirin: ye una preba d'orichen chaponés, a on arredol de 8 corredors fan un sprint lanzato.
- Scratch: preba de 10–15 km de longaria, con 24 participants, a on nomás puntúa o sprint zaguer d'a carrera.
- Eliminación: similar a la preba por puntos, pero o zaguer corredor en cada sprint albandona a carrera, dica que nomás queda o guanyador.
Ciclocross.
Ciclismo de montanya.
Cicloturismo.
Ciclismo en grava.