Cloaca

Iste articlo trata sobre as cloacas que son construccions pa conducir as auguas puercas d'as poblacions. Pa atros usos de «cloaca», se veiga Cloaca (desambigación).

Una cloaca^[1] u cluaca^[1], en aragonés ribagorzano pronunciau clloaca,^[1] ye una construcción en forma de conducto, feita por l'hombre, que sirve pa conducir as auguas residuals enta una depuradera u, a lo menos, difuera d'a población.

En a mayoría de casos as cloacas circulan soterradas por debaixo d'as carreras de ciudaz y lugars. Manimenos, en i hai ubiertas, lo que puede estar causa de problemas de salut y pudors, mas que mas en zonas d'o mundo en vías de desarrollo.

As cloacas arreplegan as auguas que sale d'as canyerías d'as casas y os edificios comercials, pero a mayoría tamién replegan l'augua de plevia que corre en superficie por as carreras, a traviés d'os arbullons y atras formas d'engullidero.