Districto

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un districto ye una división administrativa d'un país. En cada estau tienen diferents extensions y atribucions. O termin ye d'orichen medieval, a on que os districtos se creyoron ta meter orden en l'administración chermanica.

Districtos medievals en Aragón

En aragonés medieval a parola districto se feba servir poco y un d'os suyos sentius yera o territorio de churisdicción d'una institución u autoridat, como podemos leyer en bel texto:

...de las ditas seu, ciudat & districto de Jacca por nos & el dito capitol et et los successores nuestros...^[1]

que la dita sentencia pueda ser executada por cualquier juez de la dicta hermandat a saber es por cada uno dentro el districto de su juridicion

que lieuen e aqompanyen algún preso a algún lugar del districto de la dita hermandat

alguno de los officiales de la present hermandat o conselleros, en personas o en bienes, sea dentro del territorio o districto^[2]

Manimenos yera un termin relativament poco conoixiu, y en as traduccions medievals no traducen bien o concepto dende luengas estrancheras como o francés u l'italiano. Por eixemplo en o "Libro de los Emperadors" traducen o italiano Distretto dell'Armenia por Estreito de Armenia.^[3]

En un texto de 1371 relativo a las guerras con Corona de Castiella y la ocupación de localidaz en a muga ye posible veyer una forma patrimonial destreyto en linia con o catalán destret y o francés detroit:

e destreyto circunvecinos de los castiellos de Mesa e de Fuent de Salç, que paguen la provisión a vos

Districtos actuals en Aragón

En Aragón actualment os districtos son divisions d'as grans ciudaz. L'eixemplo mes esclatero ye Zaragoza, que ye dividita administrativament en doce districtos, que se subdividen en barrios:

Districto 1: Casco Antigo: Sant Pavlo (El Gancho), La Madalena, Sant Miguel, As Tenerías, Sant Agostín.
Districto 2: Centro
Districto 3: Delicias: A Bombarda, A Bozada, Delicias, Monsalut, Parque Roma.
Districto 4: Universidat: Romareda, Ciudat Chardín, Casablanca, Montecanal, Val d'Espartera, Arcosur.
Districto 5: Sant Chusé: Sant Chusé.
Districto 6: Las Fuents: Cartuixa Baixa, Las Fuents.
Districto 7: L'Almozara: L'Almozara.
Districto 8: Oliver-Val de Fierro: Val de Fierro, Miralbueno, Oliver.
Districto 9: Torrero-A Paz: Torrero, A Paz, Torreciella de Val Madriz.
Districto 10: Marguin ezquierda: Actur-Rei Ferrando, Rabal, Barrio de Chesús, Vadorrei, Cogullada, Parque Goya, Picarral, La Jota.
Districto 11: Barrios Rurals Norte: Cogullada, Chuslivol, Movera, Montanyana, Penyaflor, Sant Chuan de Mozarrifar, Sant Gregorio, Santa Isabel.
Districto 12: Barrios Rurals Ueste: Alfoceya, Venda de l'Olivar, Villarrapa, Casetas, Garrapiniellos, Monzalbarba.

Referencias

↑ (es) Manuel Alvar Ezquerra: Documentos de Jaca (1362-1502) estudio lingüístico. Archivo de filología aragonesa, ISSN 0210-5624, Vol. 10-11, 1958-1959 , pachinas. 195-276
↑ (es) Antonio Castellano Gutiérrez: La Hermandad navarro-aragonesa en la frontera pirenaica según sus ordenanzas. Segunda mitad del siglo XV. Príncipe de Viana, ISSN 0032-8472, anyo nº 56, Nº 204, 1995, pachinas. 121-162
↑ (es) Adelino Álvarez Rodríguez. Libro de los Emperadores (Versión aragonesa del compendio de historia universal patrocinada por Juan Fernández de Heredia). Edición de Adelino Álvarez Rodríguez. Larumbre Clásicos aragoneses.[1]

Datos: Q149621
Multimedia: Districts / Q149621

[1] (es) Manuel Alvar Ezquerra: Documentos de Jaca (1362-1502) estudio lingüístico. Archivo de filología aragonesa, ISSN 0210-5624, Vol. 10-11, 1958-1959 , pachinas. 195-276

[2] (es) Antonio Castellano Gutiérrez: La Hermandad navarro-aragonesa en la frontera pirenaica según sus ordenanzas. Segunda mitad del siglo XV. Príncipe de Viana, ISSN 0032-8472, anyo nº 56, Nº 204, 1995, pachinas. 121-162

[3] (es) Adelino Álvarez Rodríguez. Libro de los Emperadores (Versión aragonesa del compendio de historia universal patrocinada por Juan Fernández de Heredia). Edición de Adelino Álvarez Rodríguez. Larumbre Clásicos aragoneses.[1]

[1]

[2]

[3]