Equus ferus
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Tarpán | ||||||||||||||||
![]() Equus ferus | ||||||||||||||||
| ||||||||||||||||
| ||||||||||||||||
Equus ferus | ||||||||||||||||
Boddaert, 1785 |
O tarpán (Equus ferus (Boddaert, 1785)) estió un caballo salvache d'Eurasia que lo suyo zaguero eixemplar cativo morió en 1875 en o zoolochico de Moscú, anque altras fuents en han dito que poderba haber estato vivo bel altro dica 1918 u 1919 en Ucraína.
Esta especie, que prou a ormino a se considera o antipasau d'os caballos domesticos, estió bien trecruzata con una variedat polaca d'istos ta dar o «konik», una raza de caballo mas baixeta y chicorrona que se conserva actualment y que por ixo sería emplegando-se, d'alcuerdo con bellos autors, ta reconstruir una raza de caballos que amostrase las trazas mas dominants d'o tarpán.
Historia
[editar | modificar o codigo]O tarpan lo describió por a primer vegata Johann Friedrich Gmelin en 1774, que en haberba vistos eixemplars en 1769 en a rechión de Bobrovsk, a man de Voronezh. En o 1784 Pieter Boddaert clamó a la especie Equus ferus, basando-se en a descripción de Gmelin. Sin de conoixer-ne cosa d'ixa descripción previa, Otto Antonius en espublicó lo nombre Equus gmelini en o 1912, refierto en as descripcions de Gmelin.
Actualment, una part d'investigadors consideran que lo caballo domestico, o Equus caballus de Linneu, sería lo descendient directo d'o tarpán; De feito, prou taxonomistas os consideran a mesma especie. Se se fese aplicación correcta d'o Codigo Internacional de Nomenclatura Zoolochica, o tarpán haberba d'estar clamato Equus caballus, y de prou mas decir, si se considerase una subespecie, Equus caballus ferus. Sindembargo, por un regular os biologos han ignorato ixa norma y b'ha mas tendencia a emplegar E. ferus ta referir-se a lo tarpan y ta privar de confusions con o suyo primo domestico (que recibe lo nombre d'E. caballus).
Caracteristicas
[editar | modificar o codigo]Os tarpans no yeran guaire grans, d'a mesma meda que un poni mas que no d'un caballo adulto. Talment, con 130 u 140 cm d'alteros en a crucera d'o lumo. Teneban colors foscas, tordos u grisos por l'usual, con a capeza y las patas mas fuscas encara. Diz que a crinera yera luenga y recia, alzata por alto d'a frent de l'animal, pero mas luenga que no en o suyo primo lo caballo de Przewalski asiatico.
Bellas razas de caballos actuals, d'aspecto mas de ponis que cualsiquier altra cosa, s'están emplegando ta recuperar os rasgos d'o tarpán. Os fenotipos d'estos animals recuerdan de cualques trazas d'os tarpans antigos, y allora anque no s'estase recuperato de raso l'aspecto chenetico d'a especie, se pretende conseguir nuevos potrez cada vegata mas pareixitos a os antigos caballos.
Imáchens
[editar | modificar o codigo]-
Grabato d'o sieglo XVIII
Se veiga tamien
[editar | modificar o codigo]Vinclos externos
[editar | modificar o codigo]Wikispecies tiene un articlo sobre Equus ferus.
Se veigan as imáchens de Commons sobre o tarpán.
- (en) Información y caracteristicas d'o tarpán