Fuellas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Fuellas d'información d'o Consello d'a Fabla Aragonesa, coloquialment Fuellas, ye a primera y mas veterana revista feita de raso en aragonés. Dende aquels primers 100 eixemplars de tirache se ha pasato a ros 1.500 actuals. Ye a publicación periodica, no diaria, mas antiga d'Aragón, pos contina editando-se dende chunio de 1978. En aviento de 2010 saliba o numero 200; arredol de 5.000 pachinas fan veyer a suya importancia en o proceso de modernización de l´aragonés.

Se centra en información d'actualidat sobre as actividaz d'o Consello d'a Fabla Aragonesa por l'aragonés y a cultura feita en aragonés: literatura, amostranza, publicacions, politica lingüistica, textos populars, actividaz, ecetra. Admite recensions de publicacions, textos curtos de creyación literaria y bels treballos d'investigación u de replega arredol d'o lexico, a gramatica u atros aspectos de l'aragonés.

Ye bimestral y cada numero, por un regular, gosa tener entre 32 y 44 planas. A suya directora, dende 2014, ye a periodista oscense Amaya Gállego Lamarca.

Vinclos externos

• Revista Fuellas

• Datos: Q3312623