Leon

	Leon; Bro-Leon
	Provincia de Bretanya
Bandera	Escudo
Entidat; • Estau; • País	Provincia; Francia; Bretanya
Capital	Kastell-Paol
Superficie; • Total	; 2 019 km²
Población; • Total (2007)	; 418 577 hab. ;
Creyación	865

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Leon (Bro-Leon en bretón, pays de Léon en francés) ye una d'as provincias de Bretanya, que estió d'antis mas un vizcondau, un condau, un bispato, una baronía, una bailía y una provincia fiscal.

A suya muga occidental ye o río Dosenn (río Morlaix en francés), que a desepara d'a provincia de Treger; a o sud o Menez Are y o río Elorn, que la deseparan d'a comarca de Kerne; a l'ueste a mar Celta; y a o norte a canal d'a Manga. Istas mugas son as antigas mugas d'o bispato de Leon, con tres arcedianatos, que hue son as tres comarcas d'ista provincia (Gorre-Leon, Goueled-Leon y Bagan), encara que administrativament as mugas d'o dro yeran mas enta o sud.

Leon yera tamién una d'as siet baronías de Bretanya ta os Estaus Chenerals de Bretanya, l'Asamblea lechislativa bretona antis d'a Revolución francesa. Estió o feudo principal d'a familia d'os Rohan (uno d'os principals linaches bretons, con o linache de Clisson y o linache de Laval), que se tituloron impropiament prencipes de Leon, encara que Leon no fuese un prencipau.