Marsupialia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Marsupialia
Zarigüeya d'a especie Didelphis albiventris, con o marsupio pleno.
Denominacions populars
Marsupials
Rechistro fósil	Dende o Cretacio
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Mammalia
Subclase:	Theria
Infraclase:	Marsupialia
Descripción
Marsupialia ILLIGER, 1811

Os marsupials (cientificament -en latín- Marsupialia (ILLIGER, 1811)) son una infraclase de mamiferos adintro d'a subclase Theria. Ye l'atro grupo de terios contraposau con Placentalia en muitas clasificacions taxonomicas clasicas.

Se caracterizan por tener un desenvolique limitau adintro de l'utero de su mai, y naixer muit prematuros, por o cual han de completar o desenvolique acochaus contra las glandulas mamarias que son en l'interior d'una bolsa marsupial u marsupio que tienen as fembras.

Os marsupials, que se despartión d'o tranco principal d'os mamiferos bien luego en os comienzos d'a suya evolución, fuen un grupo muit important en o pasau manimenos. Se pìensa que a mayoría d'os linaches marsupials s'extinguión por competencia con os placentarios entre o Eoceno y l'Oligoceno. Actualment nomás en queda buena copia en Australia, a on que os marsupials continan representando a mayor parte d'a macrofauna, y cualques especies en America.

Caracteristicas

O marsupio ye a caracteristica principal y a mas conoixida d'os marsupials. O marsupio ye una bolsa de piel que as fembras tienen en l'abdomen y as glandulas mamarias son adintro. O marsupio se refirma con uns uesos particulars, que reciben o nombre de «uesos marsupials» y que fan distinguible o esqueleto d'os marsupials.

Os marsupials tienen una formula dental unica, y anque a evolución pa adaptar-se a dietas y formas de vida muit diferents les ha dotau de piezas distinguibles, denguno repite as formulas que tienen os placentarios.

A temperatura corporal ye mas alta en os marsupials que en os placentarios. O suyo sistema chenito-urinario tamién ye peculiar, con utero doble y mesmo pene bifido en cualques especies, anque o escroto ye regularment extra-abdominal, como tamién en os placentarios.

Se veiga tamién

• Metatheria.

Vinclos externos

• Se veigan as imáchens de Commons sobre Marsupialia.
• Wikispecies tiene un articlo sobre Marsupialia.

• Datos: Q25336
• Multimedia: Marsupialia / Q25336
• Especies: Marsupialia