Mitolochía griega

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Atenea

A mitolochía griega ye o conchunto de mitos y leyendas perteneixients a os antigos griegos que tractan d'os suyos dioses y herois, a naturaleza d'o mundo y os orichens y significau d'os suyos propios cultos y practicas rituals. Feban parte d'a relichión de l'Antiga Grecia.

A mitolochía griega amaneixe explicitament en una ampla colección de relatos y implicitament en artes figurativas, como ceramica pintada. Os mitos griegos miran d'explicar os orichens d'o mundo y charran d'as vidas y aventuras d'una gran variedat de dioses, herois y atras creaturas mitolochicas. Istos relatos fuoron orichinalment difundius en una tradición poetica oral, encara que actualment os mitos se conoixen mas que mas gracias a la literatura griega.

As fuents literarias mas antigas conoixidas, os poemas epicos d'a Iliada y a Odisea, se centran en os succesos arredol d'a Guerra de Troya. Dos poemas d'o cuasi contemporanio d'Homero, Hesíodo, a Teogonía y Os Treballos y os Días, contienen relatos sobre a chenesi d'o mundo, a succesión de gubernants divinos y epocas humanas y l'orichen d'as trachedias humanas. Tamién se conservoron mitos en os himnos homericos, en fragmentos de poesía epica d'o ciclo troyano, en poemas liricos, en as obras d'os dramaturgos d'o sieglo V aC, en escritos d'os investigadors y poetas d'o periodo helenistico y en textos d'a epoca de l'Imperio Romano d'autors como Plutarco y Pausanias.

Vinclos externos

• Se veigan as imáchens de Commons sobre a mitolochía griega.
• (ca) Os dioses de l'Olimpo.

• Datos: Q34726
• Multimedia: Greek mythology / Q34726