Olga y los Ministriles
Olga y los Ministriles | ||
---|---|---|
Nombre | {{{Nombre_de_naiximiento}}} | |
Embotada | {{{Alias}}} | |
Naixió | {{{Naiximiento}}} | |
Murió | {{{Muerte}}} | |
Información musical | ||
Orichen | Uesca (Aragón) ![]() | |
Estilo | Folk | |
Ocupancia | {{{Ocupancia}}} | |
Instrumentos | {{{Instrumento}}} | |
Tiempo | 2009 - ... | |
Discograficas | {{{Discografica}}} | |
Relacionau con | {{{Artistas_relacionaus}}} | |
Pachina web | www.olgaylosministriles.es | |
Miembros | ||
Olga Orús Salvador Cored Josu Ubierna Antonio Orús Sergio Rodrigo Jesús Prades Jairo Périz Virginia Costea |
Olga y los Ministriles ye un grupo musical aragonés de folk creyau en 2009. Olga Orús y Salvador Cored son os líders d'a banda, que dica agora ha quitau seis discos.
Historia
[editar | modificar o codigo]O grupo naixió en 2009 en Uesca d'a man d'Olga Orús y Salvador Cored, dos musicos provenients d'o grupo Hato de Foces, con o que reyalizoron mas de 1.000 actuacions por Espanya, Francia, Italia, Irlanda, Belchica, Malta, Mónegue, Turquía y Mexico, y gravoron 13 discos propios editaus y atros tantos de colaboracions con atros artistas.
Olga y los Ministriles se creya con la ideya d'amostrar una visión mas personal d'a musica popular aragonesa, a on se mezclan os instrumentos mas autoctonos y ancestrals que se tanyen en os dances pirenencos, con a voz de Olga Orús. Os suyos temas, de composición propia y d'o folklore aragonés, reflectan o compromís que tienen con a difusión d'a musica popular d'Aragón.
O grupo se presentó por primera vegada en publico en o Festival Internacional d'o Castiello de l'Aínsa en l'anyo 2009, y dende alavez ha estau present en a-saber-los festivals y celebracions populars[1] Un anyo dimpués, a banda publicó o suyo primer disco, Zimbrea, en que a voz d'Olga Orús s'une a os tradicionals chiflo y salterio, gaita de boto u dolzaina, chunto a instrumentos mas propios d'a musica de cambra, como o violonchelo y a flauta travesera, amás d'o curdión y a guitarra acustica[2].
En 2012 sale a la venda o suyo segundo disco, Mai, composau por doce cancions (seis basadas en o folklore aragonés y atras seis de nueva creyación) en as que teneban a colaboración de grans interpretes d'a musica aragonesa, como Joaquín Pardinilla, Antonio Gil, Fran Gazol, Juan Luis Royo, Ángel Orós, Jesús Acero y o gran percusionista cubano Ricardo Fernández[3].
O siguient disco d'Olga y los Ministriles, Es a veces amar, sale a la venda en 2014 y supone un tributo a 11 poetas aragoneses, a los que o grupo metió musica chunto a Gabriel Sopeña. Os literatos homenacheaus estioron Ángel Guinda, Antonio Pérez Morte, Magdalena Lasala, José Martí, Adolfo Burriel, Antón Castro, Octavio Gómez Milián, José Ignacio Ciordia, Emilio Pedro Gómez, Mauricio Aznar y o propio Gabriel Sopeña[4]
O cancionero de Juan José de Mur centró o cinqueno disco d'a banda, Homenajje, en o que colabororon Kepa Junkera, Eliseo Parra, Mariano Pascual, Antonio Viñuales, La Ronda de Boltaña, Sergio Iguacel, Miguel Ángel Fraile, Ángel Vergara, Mikelo Correia y Silvia Cored.[5].
Dica agora, o zaguer disco d'Olga y los Ministriles ye Flamas: Las millors canzions en aragonés (2020), a on se recullen trece d'as millors cancions aragonesas d'a historia. Biella Nuei, Luis Miguel Bajén, b vocal, exmiembros d'Hato de Foces, chent d'Ixo Rai!, La Orquestina del Fabirol, La Ronda de Boltaña, Los Gaiteros de Graus, Mario Garcés, Os Chotos y a veterana musica Pilar Garzón facioron parti d'iste prochecto[6].
Miembros
[editar | modificar o codigo]- Olga Orús (voz).
- Salvador Cored (gaita de boto aragonesa, flautas traveseras de fusta y metal, chiflo, salterio, mandolina, guitarras, etc).
- Josu Ubierna (curdión).
- Antonio Orús (guitarra acustica y bouzuki).
- Sergio Rodrigo (baixo acustico).
- Jesús Prades (percusions).
- Jairo Périz y Virginia Costea (bailarins).
Discografía
[editar | modificar o codigo]- Zimbrea (2009)
- Mai (2011)
- Es a veces amar (2014)
- Quiero creer (2016)
- Homenajje (2018)
- Flamas: Las millors canzions en aragones (2020)
Referencias
[editar | modificar o codigo]- ↑ (es) En Poborina Folk
- ↑ (es) Olga y los Ministriles y su 'Zimbrea'. Antón Castro, 24 d'octubre de 2010
- ↑ (es) Olga y los Ministriles editan «Mai». Aragón Musical, 7 de chinero de 2012
- ↑ (es) Olga y los ministriles ponen voz a once poetas aragoneses. El Periódico de Aragón, 25 de febrero de 2014
- ↑ (es) Olga y los Ministriles: "Con este álbum cerramos un círculo de más de cuarenta años". Diario del AltoAragón, 19 d'agosto de 2018
- ↑ (es) Olga y Los Ministriles graban 13 canciones populares en aragonés. Aragón Musical, 27 d'abril de 2020
Vinclos externos
[editar | modificar o codigo]- (es) Pachina web oficial