Penyalba de Bellestar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Penyalba de Bellestar ye un santuario politeista que i heba en o termin municipal de Bellestar (Comunidat de Teruel, Aragón).

I heba cultos solars y yera sagrau pa ibers, celtibers y romanos. Achunta a tradición d'arte esquematico autoctona con a tradición celtibera.

Bi ha representacions solars, de vueitres como animals psicopombos y de dioses, a mas d'inscripcions en latín y celtibero.

En una d'ixas inscripcions i sale o dios Lug, de caracter solar, y a familia Turos, relacionada con muitos toponimos teruelanos como o mesmo Teruel, y talment con a mesma radiz celta d'a on provién Zúrich

Cualques inscripcions y gravaus que i heba en un puesto con piedra d'arena blanca los quitó l'arqueologo calaceitán Joan Cabré, que los vendeba a los museus. Joan Cabré permitió asinas que se conoixesen y se conservasen millor beluns d'os que encara quedan en o suyo puesto inicial, a on que predominan os grafiti d'o sieglo XX.

En o cinglo os gravaus se facioron en roca calsinera dura y bi ha pocas inscripcions. Joan Cabré se'n levó menos cosas que d'o livel con piedra d'arena blanca. En muitos d'ixos gravaus bi ha cruces sobreimposadas que se pueden calendar de tiempos baixo-imperials de cristianización forzada.

Biblografía

• (es) Guillermo Fatás Cabeza (coordinador): Los celtas en el valle medio del Ebro. C.A.I, 1989.

• Datos: Q13049828