Pimiento

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un capacet de pimientos morrons.

O pimiento (pronunciau /pim'jento/ u /pim'janto/) ye o fruito comestible d'a pimentera domestica (Capsicuum annuum), una solanacia herbacia orichinaria de Sudamerica extensament cautivada por tot o mundo en l'actualidat.

Botanicament, o pimiento ye una baya de textura semi-cartilachinosa. En bellas variedaz se troba unflada d'aire, bofa (vueda por adintro), y con un releve pleno de protuberancias por l'exterior. As simients se troban adheridas en a columnela central. Os diferents pimientos pesan dende tansament bels gramos dica mas de 500.

Como muitas atras hortalicias, en l'actualidat i ha numerosas variedaz de pimientos creyadas por selección artificial. Muitos pimientos de gusto dulce s'emplegan como verduras. Atras variedaz, mas picants, gosan estar mas chicorronas y menos carnosas, y s'emplegan como condimento u especia. Os pimientos que, por variedat -como as guendillas- u porque s'han quedau asinas en o desarrollo, son mas menudos y finez reciben en aragonés a denominación popular de «corals» u «cornetas».

Se veiga tamién

• Pimiento morrón.
• Pimiento jalapenyo.
• Pimiento coral.
• Pimienta.
• Pimentón.
• Tomate.
• Alberchena.

Referencias

• Datos: Q1548030
• Multimedia: Bell peppers / Q1548030