Sierra de Moncayo
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Sierra de Moncayo Sierra del Moncayo | |
---|---|
![]() | |
Cheografía | |
Cordelera | Sistema Iberico |
Sector | |
' | |
Maxima altaria | |
Cimas importants | Moncayo, Lobera, Cabezo del Cahiz, Muela de Forcalluelo, La Tonda. |
Largaria | |
Amplaria | |
Superficie | |
Vértiz cheodesico | |
Subsistemas | |
Administración | |
Estau | ![]() |
País | ![]() ![]() |
' | |
Cheolochía | |
Edat | Paleozoico, Mesozoico |
Materials | Rocas sedimentarias |
Tipo | Horst Tectonico |
La sierra de Moncayo ye una sierra de la branca aragonesa de lo Sistema Iberico con dirección norueste-sudeste que s'alza como un horst tectonico a canto de la depresión d'Ebro. Se situa entre las provincias de Zaragoza y Soria. La part que corresponde a Aragón se distribuye entre las comarcas de Tarazona y Moncayo y d'Aranda.
Altarias
[editar | modificar o codigo]La sierra de Moncayo plega dica altarias de 2315 m en Moncayo, 2227 m en penya Lobera, 1822 m en cabezo del Cahiz, 1715 m en la muela de Forcalluelo y 1498 m en La Tonda. S'alza dica 1400 m en relación a las altarias meyas de la Tierra d'Agreda y cuasi 1800 m con respecto a lo baixo Queiles.
Cheolochía
[editar | modificar o codigo]Los materials de la sierra de Moncayo son d'edat paleozoica y mesozoica. Lo nuclio paleozoico ye cubierto por rocas sedimentarias mesozoicas y aflora en puestos como Agramont. Lo Triasico aflora en las principals altarias. Los materials churasicos que bi heba en los cabaltos desapareixoron por erosión, pero en quedan restos en las Penyas de Ferrera, en lo sinclinal pendiu de Morrón, en Beratón y en las Planas de los Ascones.
En la Sierra de Moncayo bi ha cuatre unidaz: Lo macizo de Moncayo, La Tonda,[1] Las Penyas de Ferrera[1] y las Planas de Calcena.[2]
Macizo de Moncayo
[editar | modificar o codigo]Ye entre Vozmediano y lo barranco de la Morana[2]. Ye un horst tectonico con una falla inversa a lo norte que posa en contacto materials paleozoicos sobre materials mesozoicos de lo sinclinal que bi ha en Litago.
La muela de Forcalluelo con 1.715 m s'ha formau en la cabecera de lo barranco de la Morana.
Las Penyas de Ferrera
[editar | modificar o codigo]Son unas 4 penyas producto d'erosionar-se y trencar-se un livel sedimentario de calsineras churasicas que fan part d'una siella anticlinal con materials triasicos en lo nuclio.[2] La mes alta ye Picarro u alto d'el Picarrón a 1591 m. Por estar muito visibles y tener importancia estratechica, ya se nombran en textos medievals aragoneses u navarros como por eixemplo en 1232 cuan Chaime I d'Aragón entregó uns castiellos a Sancho VII de Navarra:
En la "Cronica de los Conquiridors" tamién nombran estos releus:
La Tonda
[editar | modificar o codigo]Ye un domo anticlinal[2], deseparau por un cuello de Canteque, que chunto con la sierra de los Umbriones tamién se considera de la sierra de Moncayo.[1]
Las planas de Calcena
[editar | modificar o codigo]Son unas planas a lo sud de las atras unidaz que s'han formau como superficie d'erosión en lo Mioceno y Plioceno sobre lo livel de las calsineras churasicas debantditas. En Cueva de Ágreda y Beratón esta plana corresponde a una fuesa tectonica, en Calcena corresponden a un sinclinal.
La Isuela y los suyos afluyents tienen un gran poder d'erosión remontant y han iu tallando-ie foces,[2] y creyando-ie un paisache de muelas con livels superiors correspondients a sinclinals de calsinera churasica.
Entre las muelas entre las que destaca la Plana de Valdeascones, la mes estensa y en contacto con la part alta de lo barranco de Valdelaplata, la foz mes important de la sierra de Moncayo.[4]
Morrón ye en esta zona la plataforma estructural mes alta, con un livel resistent de calsineras dolomiticas en lo suyo cabalto, ye un sinclinal pendiu[2] con 90 m de deslivel en Purullosa.
Referencias
[editar | modificar o codigo]- ↑ 1,0 1,1 1,2 (es) Eduardo Viñuales Cobos: Red natural de Aragón. nº 26, Campo de Borja, Prames, 2009. p 12, p 84
- ↑ 2,0 2,1 2,2 2,3 2,4 2,5 (es) Francisco Pellicer Corellano: El Relieve del Moncayo. Diputación general de Aragón, 1987. p 13-16, p 32-33
- ↑ (es) José María Jimeno Jurío, Roldán Jimeno Aranguren: Archivo General de Navarra (1194-1234) Volumen 89 de Fuentes documentales medievales del País Vasco. Eusko Ikaskuntza, 1998.
- ↑ (es) Pascual Luna Gimeno, Red natural de Aragón. nº 14, Comarca del Aranda Prames, 2007 p 80
Bibliografía
[editar | modificar o codigo]- (es) Francisco Pellicer Corellano: El Relieve del Moncayo. Diputación general de Aragón, 1987.
- (es) Pascual Luna Gimeno:, Red natural de Aragón. nº 14, Comarca del Aranda, Prames, 2007.
- (es) Eduardo Viñuales Cobos: Red natural de Aragón. nº 26, Campo de Borja, Prames, 2009.
- (es) J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194.
- (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
Sierras d'o sector Norte y Ueste d'o Sistema Iberico | |
---|---|
|