LK-99

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

LK-99
خاصيات
فورمولة	CuO₂₅P₆Pb₉
كتافة	6.699 ڭرام ل السنتيميتر-مكعب
ليكتيشاف
لي كتاشفو	سوكباي لي و Kim Ji-hoon
فين تكتاشف	كوريا لجنوبية
تسمّى على	سوكباي لي، Kim Ji-hoon و 1999
لقلدة لكيماوية
[[فيشي:|180بك|]]

LK-99 (ختصار د Lee-Kim-1999 لي-كيم-1999) هي واحد المادة عندها پوطونسيال تكون مادة سوپر دوّازة (superconductive) للطريسينتي ف درجة حرارة عادية ؤ اللي اللون ديالها بين الكحل ؤ الرمادي. هاد المادة عندها قلدة (structure) سداسية اللي مصاوبة من أپاتيت-اللدون مبدّل شي شوية. أول واحد طاح على هاد المادة ؤ صاوبها هوما واحد الرباعة د البقشاشا من جامعة كوريا على راسهم "سوكباي لي" (이석배) ؤ "جي هون كيم" (김지훈) اللي تسمّات هاد المادة بسميتهم. هاد الكليكة د البقشاشا كيݣولو ؤ العهدة عليهم باللي هاد المادة كاتخدم كا سوپردوّاز ف درجة حرارة ؤ زمت عاديين ؤ تحت 400 كيلڤين (172° سيلسيوس).

حتال للتاريخ د 2 غشت 2023، هاد المادة مازال ما تكونفيرماتش باللي سوپر دوّازة ف حتى درجة د الحرارة. التصاويب د LK-99 ؤ الملاحظة د السوپرتدواز ديالها مازال ما تفلاوش من عند الݣران (peer-reviewing) ؤلا تعاودو بطريقة مستاقلة. التبراح بهاد المادة تپارطاجا بزاف فالأوساط العلمية ؤ التجاويب معاه كان طاغي عليه الشك بسباب الطبيعة الفوق عادية ديال هاد المزعوم ؤ بسباب الأخطاء ؤ التناقضات اللي كاينين فالكواغط القبل-منشورة. شي رباعات علميين مستاقلّين كايحاولو يعاودو يرپليكيو الخدمة ديال الرباعة الجنوب كورية. النتائج ديال هاد التعاويدات مالمتوقع يخرجو ف غشت 2023 ؤ اللي معاونهم فهاد الشي هو باللي الطريقة د التصاويب د هاد المادة نيشان ما معكّساش بزاف.

الدراسات اللولانية اللي برحّات بهاد الكتيشاف كانت تأپلودات للديپو المحلول د الكواغط القبلية الإليكطرونية (open access repository of electronic preprints) اللي سميتو أركايڤ/أرخيڤ arXiv. لي ݣال باللي الكاغيط القبلي اللي تأبلودا كان مازال ما كاملش. بينما الشريك ديالو فالكتابة كيم ݣال باللي وحدا من الصفحات كانو فيها شي عيوب.

الخصايل الكيماوية

المكون الكيمياوي د LK-99 هو تقريبا Pb₉Cu(PO₄)₆O. الفرق الوحداني بينو ؤ بين أپاتيت-اللدون الصافي (Pb₁₀(PO₄)₆O) هو بلي تقريبا الربع تاع أيونات اللدون من نوع Pb (II) ف الموضع 2 اللي كاينين ف القلدة تاع الأپاتيت كايكون ف بلاصتهم أيونات تاع النحاس من نوع Cu (II).

التصاويب

لي ؤ صحابو عطاو واحد الطريقة د التصاويب الكيماوي د مادة LK-99 فين كاتصاوب لاناركيت على طريق التخلاط المولاري ب نسبة 1ل1 د الغبرة ديال ؤكسيد اللدون جوج (PbO) ؤ الغبرة ديال سولفات اللدون جوح (Pb(SO₄)). موراها كاتسخّنهم على درجة 725° سيلسوس لمدة 24 ساعة:

PbO + Pb(SO₄) → Pb₂(SO₄)O

فوق هادشي، كايصاوبو فوصفيض النحاس واحد (Cu₃P) على طريق التخلاط د غبرة النحاس (Cu) ؤ غبرة الفوصفور (P) ب نسبة مولارية د 3ل1 ف جعبة مطمقة (مسدودة مزيان) تحت الخوا ؤ كايسخنوها ل درجة حرارة 550° سيلسوس لمدة 48 ساعة

Cu + P → Cu₃P

موراها كايشدّو داك لاركانيت ؤ بلّار فوصفيض النحاس ؤ كايطحنوهم تا كاوليو غبرة ؤ كايخشيوهم ف جعبة مطمقة تحت الخوا ؤ كايسخنوهم ل درجة حرارة 925° سيلسوس لمدة غادة من 5 تال 20 ساعة.

Pb₂(SO₄)O + Cu₃P → Pb_10-xCu_x(PO₄)₆O + S (g)، فين (x بين 0.9 و 1.1)

الخصايل الفيزيكية

ـ(a) قياسات الحساسية الهنداوية د LK99 ـ(b) كميشة (عينة) د LK99 معلّقة شي شوية فالهوا فوق من هندة كبيرة

المادة د LK-99 كايݣولو باللي كاتݣد تكون سوپر دوّازة ف درجة حرارة عادية. المقال الأصلي ما يݣولش باللي باللي شافو عندها الخصايل د السوپرتدواز بحال زيرو مقاومة ؤ مفعول ميسنر Meissner effect. ولكن كايورّيو باللي المادة عندها قياسات هنداوية مجهدة ؤ كايزيدو مالفوق يورّيو ڤيديو د كميشة من ديك المادة معلقة جزئيا فالهوا من فوق هندة كبيرة. الشي اللي كايتماشا مع الخصايل د السوپرتدواز.

حيت بزاف د المواد ممكن يخدّمو الزيرو-مقاومة ؤ المفعول د ميسنر كا طريقة د الغميق باش يدّاعيو باللي راهم سوپّردوّازين، البقشاشا د الصيونص غالبا كاڤيريفيو حتى خصايل ؤخرين د السوپر تدواز بحال: flux pinning، الحساسية الهنداوية للسارح د الطريسينتي نيشان AC magnetic susceptibility ؤ المفعول د جوزيفصون Josephson effect ؤ خصايل ؤخرين. حتال 1 غشت 2023 مازال ما تڤيريفا والو من هادشي من عند التجربة الأصلية ؤلا التعاويدات ديالهم.