Editando Heimaey (seición)

=== Eldfell ===
El 23 de xineru de [[1973]], alredor de la una de la mañana empezó una erupción [[Volcán|volcánica]] nel monte Eldfell en Heimaey. El terrén de Heimaey empezó a tremecer. Crecieron los resquiebros hasta 1.600 metros de llargor, y llueu empezó a surdir [[llava]]. Tamién se llanzaron cenices al mar. 

Más p'alantre la situación deterioróse; les fisuras zarráronse y l'erupción convirtióse nuna corriente de llava concentrao, que dirixíase a la badea. Tamién camudaron los [[vientu|vientos]] y mediu millón de metros cúbicos de ceniza foron llanzaes a la ciudá. Mientres la nueche, treslladóse a cinco mil habitantes de la islla, na so mayor parte barcos de pesca, una y bones la mayor parte de la flota pesquera taba nel puertu. 

La invasora corriente de llava amenaciaba con estrozar la badea, que yera'l principal recursu económicu de la ciudá. La erupción duró hasta'l [[3 de xunetu]] del mesmu añu. Sicasí, la xente de la ciudá constantemente rociaba la llava con agua frío del mar, faciendo que parte d'ella se solidificara y enforma estremárase, d'esta manera consiguieron salvar la badea de la destrucción. 

Mientres la erupción, la metá de la ciudá quedó entartallada y la islla creció abondo. Heimaey tenía alredor de 11,2 km² enantes de la erupción, pero la islla creció n'alredor de 2,24 km². La islla midía alredor de 13,44 km² cuando finalmente detúvose la erupción. 

Namái un home morrió na erupción, un marineru que s'afogó mientres robaba nuna farmacia.<ref>Llibru ''The Control of Nature''.</ref> Esti acontecimientu describiólu John McPhee nel so llibru ''The Control of Nature''.