Bibi Besch
Bibi Besch | |
|---|---|
| Vida | |
| Nacimientu | Viena, 1 de febreru de 1942[1] |
| Nacionalidá |
 Estaos Xuníos  Austria |
| Llingua materna | inglés |
| Muerte | Los Angeles, 7 de setiembre de 1996[2] (54 años) |
| Causa de la muerte | cáncanu de mama |
| Familia | |
| Padre | Gotfrid Köchert |
| Madre | Gusti Huber |
| Fíos/es | Samantha Mathis |
| Estudios | |
| Estudios |
Instituto Horace Greeley (es)  |
| Llingües falaes | inglés |
| Oficiu | actriz, actriz de televisión, actriz de cine, actriz de teatru |
| Nominaciones |
ver
|
| IMDb | nm0000935 |
 | |
Bibiana "Bibi" Besch (1 de febreru de 1942, Viena – 7 de setiembre de 1996, Los Angeles) foi una actriz cinematográfica y televisiva d'Estaos Xuníos d'orixe austriacu.
Biografía
[editar | editar la fonte]Nacida en Viena, Austria, la so madre yera l'actriz teatral y cinematográfica Gusti Huber, que trabayó en filmes alemanes nos años de la Segunda Guerra Mundial y qu'emigrara d'Austria a los Estaos Xuníos mediada la década de 1940.[4] El padrastru de Besch[5] foi Joseph Besch, un executivu radiofónicu y antiguu capitán del Exércitu de los Estaos Xuníos.[4] Bibi Besch tuvo dos hermanes, Drea y Christina, y un hermanu, Andrew.[6] Crióse en Mount Kisco, Nueva York, y estudió nes escueles elementales y high schools de dicha población. Más palantre camudóse a la ciudá de Nueva York.
Amás de la so carrera nel mediu teatral, Besch trabayó en producciones televisives d'emisión nacional, como foi'l casu de la miniserie de 1979 Backstairs at the White House. Otres producciones televisives nes qu'intervieno fueron The Secret Storm, The Edge of Night, Love is a Many Splendored Thing y Somerset.
Probablemente'l so papel más famosu foi'l de la Dra. Carol Marcus, la madre de David, el fíu del Almirante James Tiberius Kirk en Star Trek II: The Wrath of Khan. Tamién tuvo'l pequeñu papel de la bien odiada "Belle Marmillion" nel ésitu Steel Magnolias. Otres cintes nes qu'actuó Besch fueron The Day After (de Nicholas Meyer), Mrs. Delafield Wants to Marry (con Katharine Hepburn), Victory at Entebbe, Date with an Angel, Centerfold: The Dorothy Stratten Story y Tremors.
En 1992 recibió la primer nominación a los Premios Emmy pol telefilme Doing Time on Maple Drive, nel que trabayaba Jim Carrey. Un añu dempués foi nomada nuevamente al Emmy pol so papel de la neurótica madre de Janine Turner, 'Jane O'Connell', na serie de la CBS Northern Exposure.
Bibi Besch siguió actuando pal cine y la televisión, incluyendo ente otres producciones ER y Melrose Place, hasta'l momentu del so fallecimientu en 1996, asocedíu a los 56 años d'edá en Los Angeles, California, por causa de un cáncer de mama. Los sos restos fueron incineraos, y les cenices apurríes a los sos allegaos.
Besch foi la madre de la tamién actriz Samantha Mathis.
Referencies
[editar | editar la fonte]- ↑ Afirmao en: Internet Movie Database. Data de consulta: 21 xunu 2019. Llingua de la obra o nome: inglés.
- ↑ Afirmao en: Discogs. Identificador Discogs d'artista: 3805528. Apaez como: Bibi Besch. Data de consulta: 9 ochobre 2017. Llingua de la obra o nome: inglés.
- ↑ URL de la referencia: http://razzies.com/asp/content/XcNewsPlus.asp?cmd=view&articleid=23. Direición web d'archivu: https://web.archive.org/web/20110715155800/http://razzies.com/asp/content/XcNewsPlus.asp?cmd=view&articleid=23. Data de consulta: 19 payares 2019.
- ↑ 4,0 4,1 «AmericanHeritage.com / Anne Frank in America». Archiváu dende l'orixinal, el 2007-09-29.
- ↑ «BIBI BESCH, APPEARED IN TV ROLES. - Free Online Library». Archiváu dende l'orixinal, el 2017-10-17.
- ↑ Mark Leivdal, Jean Negulesco, Leo Ferre, Gusti Hub - Entertainment News, Obituary, Media - Variety
Enllaces esternos
[editar | editar la fonte]- Bibi Besch na Internet Movie Database (n'inglés)
- Bibi Besch n'AllMovie (n'inglés)
- Bibi Besch en Memory Alpha, una wiki de Star Trek.
- «Bibi Besch». en Find a Grave. (n'inglés)
