Cosmos Arena

Cosmos Arena
	estadiu
Llocalización
País	Rusia
Óblasts	Óblast de Samara
Ókrug urbano (es)	distritu urbanu de Samara
Gran ciudá	Samara
Coordenaes	53°16′39″N 50°14′16″E / 53.277534°N 50.23769°E
	Cosmos Arena Cosmos Arena (Rusia)
Historia y usu
Copa Mundial de Fútbol de 2018
Dueñu	Óblast de Samara
Xestión	Xunión Rusa de Fútbol
Deporte	fútbol
Usuariu	PFC Krylia Sovetov Samara (es) ; FC Akron Tolyatti (es)
Aforu	44 918
Categoría UEFA	Categoría 4
	Web oficial

El Cosmos Arena (rusu: «Космос Арена»), tamién llamáu Samara Arena, ye un estadiu de fútbol allugáu na ciudá de Samara en Rusia. L'estadiu ye una de les sedes de la Copa Mundial de la FIFA 2018 y ye utilizáu pol Krylia Sovetov Samara pa disputar los sos partíos como llocal, en sustitución del Metallurg Stadium. Tien una capacidá de 45 000 espectadores. Autoridaes de la ciudá de Samara anunciaron la so ufierta de diseñu a finales de 2012 con un costu envaloráu en 360 millones de dólares.^[1]

Descripción del estadiu

Carauterístiques xenerales:

Territoriu del estadiu: 27 hectárees
Capacidá total del estadiu: 44 918 espectadores
Capacidá de locales VIP: 1125 espectadores
Capacidá de la zona Premium: 75 espectadores
Superficie total del estadiu: 160 498,10 m²
Volume total de les construcciones del estadiu: 503 480,00 m³
Altor del estadiu: 60 metros
Sable del estadiu: 2 galeríes abiertes, 2 files de palcos zarraos (skybox)
Costos de construcción: 18,9 (20,7) mil millones de rublos
Edificador: Empresa «Sport-Engineering»
Diseñador xeneral: Empresa «TerrNIIgrazhdanproekt»
Organizaciones proyectistes: S.A.R.L. «PI «Arena», S.A.R.L. «SODIS LAB» y otres.
Contratista xeneral: S.A.R.L. «PSO «Kazán»

El proyeutu del estadiu recibió l'aceutación positiva (repitida) de la Empresa autónoma federal «Glavgosexpertiza de Rusia» el 19 de xunetu de 2017.

La principal peculiaridá arquiteutónica del estadiu en Samara ye la so cúpula de carpinteríes metáliques, que pol so aspeutu esterior recuerden temes cósmicos. Cubriendo por completu la instalación, el so arcu termina escontra baxo con unos rayos, como si fuera una estrella o un cohete. Coles mesmes la cúpula cuasi nun tien combadura, sinón bástiase escontra riba en llinia reuta. Sobre la base elíptica hai dos galeríes pa los espectadores. Los sos asientos tán dafechu cubiertos pola bóveda. Prevése la calefacción de les tribunes. El diámetru del estadiu ye más grande qu'él de «Luzhnikí» de Moscú, y tien cerca de 330 metros.

La cúpula del estadiu ye una estructura prefabricada que consta de 32 consoles puestes sobre les pilastres piramidales de 21,4 metros d'altor. El pesu total del teyáu del estadiu ye de 13 mil tonelaes. Y la superficie total del techáu llega a 76 mil m². L'altor del estadiu ye de 60 metros. De base principal sirve una plancha monolítica fundamental de formigón armao. El volume de formigón usáu pa la edificación del estadiu ye de más de 230 mil metros cúbicos. Consta de 4 galeríes: tribunes abiertes de riba y de baxo, y ente ellos – dos sectores de palcos zarraos pa los espectadores VIP (skybox). Per debaxo de les graderíes hai cinco altures más del espaciu. Ende atópense habitaciones pa deportistes, sales d'espera pa espectadores, places de serviciu y llocales comerciales, espacios pa esposiciones, y amás los sistemes de sofitu vital y suministru enerxéticu del estadiu.

Pa los aficionaos del equipu convidáu prevése una entrada a les tribunes separtada. Nes partes oeste y norte atópense accesos especiales y aparcamientos pal tresporte que lleva al estadiu a los deportistes.

El verde natural del campu de fútbol ta dotáu de sistemes de calefacción artificial y riegu automáticu.

Les pantalles d'información tán colingaes nunes construcciones metáliques al altor de 44 metros del nivel del campu de fútbol. La superficie de cada tableru ye de 172 metros cuadraos, y el tamañu – 18 por 9,6 metros.

Allugamientu

Na ufierta inicial presentada a la FIFA el nuevu estadiu diba construyise nuna islla al sur de la ciudá. Nesi llugar, cuasi nun hai asentamientos o infraestructura, y nin siquier había una ponte que conduxera a la islla, nel momentu que se presentó la propuesta. Esto xeneró muncha controversia, razón pola que la construcción del estadiu treslladóse escontra'l norte y va construyise dientro de les llendes de la ciudá. Primeramente la so área foi entamada pa ser 27 hectárees, pero camudóse a 240 hectárees, y depués hasta 930 hectárees. La decisión d'enantar l'área complexa foi tomada enantes de cualquier consulta colos ciudadanos Samara. La mayor parte de les construcciones previstes nel área ampliada nun tien rellación colos deportes.

L'estadiu atópase na parte noroeste de Samara, ente les cais Dálniaya, Arena 2018 y carretera Moskóvskoye, y allúgase nel puntu más altu de la ciudá. La distancia dende la estación de ferrocarril hasta l'estadiu ye de 15 quilómetros, y del aeropuertu «Kurumoch» – 32 quilómetros.

Eventos

Copa Mundial de Fútbol de 2018

Fecha	Fase	Equipu		Resultáu		Equipu	Espectadores
17 de xunu, 2018	Costa Rica		'		Serbia	'
21 de xunu, 2018	Dinamarca		'		Australia	'
25 de xunu, 2018	Rusia		'		Uruguái	'
28 de xunu, 2018	Senegal		'		Colombia	'
2 de xunetu, 2018	Octavos de final	Y1		'		F2	'
7 de xunetu, 2018	Cuartos de final	W55				W56	'

Servicios pa espectadores

L'estadiu ufierta los siguientes servicios adicionales:

Sofitu informativu brindáu por voluntarios;
Información (puntu de rexistru de menores, puntu pa dexar los coches de neñu, oficina d'oxetos perdíos);
Conseña;
Audioguíes pa les persones invidentes o con problemes de visión.

Amás, les instalaciones tán dotaes d'asientos de tamaños mayores pa persones con sobrepesu. Pa les persones con discapacidá nes tribunes tán previstes zones especiales con espacios pa la siella de ruedes y un acompañante.

Condiciones pa espectadores con discapacidá

Les persones con discapacidá van poder xubir a les tribunes n'ascensores (hai 38 nel estadiu), que tán especialmente forníos pa la so comodidá.

Nel estadiu hai más de 70 cuartos d'aséu destinaos pa les persones con discapacidá. Nos casos d'emerxencia los ciudadanos d'amenorgada movilidá pueden llamar l'auxiliu, apertando botones d'ayuda urxente nos ascensores, cuartos d'aséu y otros llugares especiales.^[2]

Seguridá

Pal Campeonatu Mundial de Fútbol 2018 l'estadiu cunta con sistemes d'alarma y avisu, detectores de metales, escáneres de líquidos peligrosos y sustancies esplosives y 30 puestos de vixilancia permanente.

Ver tamién

Estadios de fútbol de Rusia

Referencies

Enllaces esternos

[1] ttp://stadiumdb.com/news/2012/10/russia_samara_looks_for_designers_stadium_to_cost_320_million

[2] (en ru-RU) «Самара Арена» будет готова к 1 апреля. http://samara.mk.ru/articles/2018/02/26/samara-arena-budet-gotova-k-1-aprelya.html. Consultáu'l 2018-05-30.

[1]

[2]