George Bancroft (actor)

George Bancroft
Vida
Nacimientu	Filadelfia, 30 de setiembre de 1882
Nacionalidá	Estaos Xuníos
Llingua materna	inglés
Muerte	Santa Monica, 2 d'ochobre de 1956 (74 años)
Sepultura	Woodlawn Memorial Cemetery
Estudios
Estudios	Academia Naval de los Estaos Xuníos
Llingües falaes	inglés
Oficiu	actor, oficial, actor de teatru, actor de cine
Nominaciones	ver Óscar al meyor actor : Thunderbolt;
Serviciu militar
Cuerpu militar	Armada d'Estaos Xuníos
IMDb	nm0051628

George Bancroft (30 de setiembre de 1882, Filadelfia – 2 d'ochobre de 1956, Santa Monica) foi un actor cinematográficu d'Estaos Xuníos, activu nes décades de 1920 y 1930.

Biografía

Nacíu en Filadelfia, Pennsylvania, nos sos primeros años foi marineru y, mientres taba embarcáu, aprovechaba pa interpretar obres teatrales. Llegó a graduase na Academia Naval de los Estaos Xuníos, pero dexó l'Armada pa faese comediante "blackface (actor cola cara pintada de negru)" actuando en revistes.

Más palantre enfocóse al melodrama y a la comedia musical, y aportó a una de les principales estrelles del Hollywood de los años venti. El primer papel protagonista de Bancroft llegó con The Pony Express (1925), y al siguiente añu fixo un importante papel de repartu nun repartu qu'incluyía a Wallace Beery y Charles Farrell na épica película naval Old Ironsides (1926). Más palantre actuó dirixíu por Josef von Sternberg en Underworld (1927) y en The Docks of New York (1928).

En 1929 foi nomáu al Óscar al meyor actor pola so actuación en Thunderbolt, y esi mesmu añu, y xustu enantes del Crac del 29, fixo'l papel del títulu en The Wolf of Wall Street.^[2]^[3] En 1930 actuó na producción de Paramount Paramount on Parade (1930), y en 1933 nel filme de Rowland Brown Blood Money, condergáu pola censura pos s'envaloraba que podía afalar a los ciudadanos al crime.

Aquellos que lu conocíen, como yera'l casu de Budd Schulberg, dicíen que Bancroft desenvolviera un gran ego. Nuna ocasión negaríase a cayer nuna escena na que se disparaba contra él un revólver, alegando que "solo una bala nun puede parar a Bancroft!" En 1934 pasó a ser actor de repartu, anque inda actuó en clásicos como Mr. Deeds Goes to Town (1936), Angels With Dirty Faces (1938), Each Dawn I Die (1939), y Stagecoach (1939), anque en pequeños papeles.

En 1942 dexó Hollywood pa ser rancheru. George Bancroft finó en Santa Monica (California) en 1956, y foi soterráu nel Campusantu Woodlawn Memorial de Santa Monica.

Seleición de la so filmografía

The Pony Express (1925)
Old Ironsides (1926)
White Gold (1927)
Underworld (1927)
The Rough Riders (1927)
The Drag Net (1928)
The Docks of New York (1928)
The Wolf of Wall Street (1929)
Thunderbolt (1929)
Paramount on Parade (1930)
Rulers of the Sea (1939)

Referencies

↑ ^1,0 ^1,1 Afirmao en: Gemeinsame Normdatei. Data de consulta: 3 mayu 2014. Llingua de la obra o nome: alemán. Autor: Biblioteca Nacional d'Alemaña.
↑ [1]
↑ [2]

Enllaces esternos

George Bancroft na Internet Movie Database (n'inglés)
George Bancroft na Internet Broadway Database (n'inglés)
George Bancroft n'AllMovie (n'inglés)
«George Bancroft». en Find a Grave. (n'inglés)

[45a6304d9659611674c59fb521d89649baefa5ea-1] 1,0 ^1,1 Afirmao en: Gemeinsame Normdatei. Data de consulta: 3 mayu 2014. Llingua de la obra o nome: alemán. Autor: Biblioteca Nacional d'Alemaña.

[2] [1]

[3] [2]

[1]

[2]

[3]