Islla Kolguyev
| Islla Kolguyev | |
|---|---|
 | |
| Situación | |
| País |  Rusia |
| Óblasts | Óblast d'Arcánxel |
| Distritos autónomos | Distritu Autónomu de Nenetsia |
| Tipu | islla |
| Asitiáu en | Mar de Barents |
| Coordenaes | 69°N 49°E / 69°N 49°E |
  Islla Kolguyev Islla Kolguyev (Rusia) | |
| Datos | |
| Altitú media | 166 m |
| Superficie | 3497 km² y 5200 km²[1] |
| Población | 446 |
| Fusu horariu | UTC+04:00 |
| Llonxitú | 94 km |
 | |
La islla Kolguyev, (rusu: остров Колгуев) de forma casi circular, tien un diámetru d'unos 80 km y 4.968 km² de superficie. El puntu más altu de la islla tien solamente 176 m.
La islla tien grandes zona húmedes, con munchos banzaos, turberas y llombes morreicas, cubiertes pola vexetación carauterística de la tundra.
Namás hai un asentamientu pobláu na islla, Bugrino, atópase na mariña sureste, con apenes 200 habitantes. La tribu nativa de los nenets formen la mayoría de la población, cola pesca, la ganadería del renu y la trampes de caza como les sos principales actividaes económiques. El petroleu y el gas tamién tán presentes.[2]
La fauna ye escasa y llindada a unes poques colonies d'aves y foinos polares.
El clima de la islla ye duru y fríu. Los iviernos son llargos, con baxes temperatures (en xineru de -10 a -15 °C, de cutiu, -20 °C), ente que los branos son curtios y fríos (xunetu de 4 a 6 °C, con namás 3 meses percima de 0 °C).
Informe de Trevor-Battye
[editar | editar la fonte]La islla foi afayada en 1894 pol naturalista británicu Aubyn B.R. Trevor-Battye (1855-1922). Amiyo en xunu con un asistente, col enfotu de pasar alredor d'un mes dedicáu al estudiu de la fauna montesa, especialmente de les aves.
Por cuenta de problemes mecánicos col buque, y a un tracamundiu, quedáronse varaos na islla mientres 12 selmanes. Publicó'l so estudiu de la historia natural y la topografía de Kolguyev como: Ice-bound on Kolguev (Trevor-Battye 1895) [3].
El llibru inclúi observaciones sobro'l pueblu nenets (que tamién se conoció como samoyedo) que llevaben los sos renos a la islla pa camperes de branu y poníen trampes pa los gansos pal so comerciu en Rusia.
Trevor-Battye finalmente dexó la islla colos pastores de renos en setiembre de 1894, y tuvo que viaxar 1.000 milles per tierra, dende'l ríu Pechora a Arjángelsk. Describió esti viaxe d'aventura en: A northern highway of the Tsar, Una vía rápida septentrional del Zar, (Trevor-Battye 1898) [4].
Mediu ambiente
[editar | editar la fonte]Les autoridaes ambientales tán coordinándose pa designar la islla Kolguyev como reserva natural, citando la necesidá de protexer la vida de les aves úniques de la islla.
La reserva natural de Kolguevsky (Zakaznik) establecióse pa caltener y sofitar la biodiversidá nel Mar de Barents y l'Árticu, según les autoridaes rexonales del Nenets Autonomous Okrug, a midida que introduzse un réxime ambiental más estrictu na islla. [5] arctictoday Mediu ambiente (Xunu 2019).
Trivia
[editar | editar la fonte]La islla ye'l llugar central d'una historia del escritor rusu Vassily Golovánov (n. 1968) tituláu, Aponderamientu de viaxe ensin sentíu, publicáu traducíu al francés por Verdier (Éloge des voyages insensés, 2008).Ver en Les éditions Verdier, con un resumen disponible en: [6]
El nome de la islla, como Kolgujev, apaez nun videoxuegu llamáu «Operation Flashpoint: Cold War Crisis» que se presentó nel 2001. La islla del xuegu nun guarda semeyanza cola islla, y nel so llugar adopta la forma de la islla de Tenerife.
Referencies
[editar | editar la fonte]- ↑ Afirmao en: Great dictionary of geographical names. Páxina: 314. Editorial: Sociedad Geográfica Rusa. Llingua de la obra o nome: rusu. Data d'espublización: 2003.
- ↑ «Internet Geology News Letter No. 16». Archiváu dende l'orixinal, el 13 de mayu de 2003. Consultáu'l 25 d'ochobre de 1999. (n'inglés)
- ↑ https://archive.org/details/iceboundonkolgue00trevuoft/page/n12/mode/2up llibru orixinal 1895
- ↑ https://archive.org/details/anorthernhighwa00trevgoog/page/n6/mode/2up Internet Archive, llibru orixinal (n'inglés)
- ↑ https://www.arctictoday.com/a-russian-arctic-island-is-set-to-become-a-nature-reserve/
- ↑ https://editions-verdier.fr/livre/eloge-des-voyages-insenses/ Éloge des voyages insensés (en francés)
Bibliografía
[editar | editar la fonte]- Trevor-Battye, Aubyn. (1895). Ice-bound on Kolguev, Constable, Londres, 1895.
- Trevor-Battye, Aubyn. (1898). A Northern Highway of The Tsar, Constable, Londres, 1898.
Enllaces esternos
[editar | editar la fonte]
Datos: Q216161
Multimedia: Kolguyev Island