Jean Parker
Jean Parker![]() | |
---|---|
![]() | |
Vida | |
Nacimientu |
Deer Lodge (es) ![]() |
Nacionalidá |
![]() |
Residencia | Montana |
Muerte | Woodland Hills, 30 de payares de 2005[2] (90 años) |
Sepultura | Forest Lawn Memorial Park |
Causa de la muerte | accidente vascular cerebral |
Familia | |
Casada con | Robert Lowery ( – 1957) |
Estudios | |
Llingües falaes | inglés[3] |
Oficiu | actriz de teatru, actriz de cine |
Premios | |
IMDb | nm0662335 |
![]() |
Jean Parker (Lois Mae Green: Deer Lodge, de Montana, 11 d'agostu de 1915 - Woodland Hills, de Los Angeles, en California, 30 de payares del 2005) foi una actriz d'Estaos Xuníos qu'intervieno en 70 películes dende 1932 hasta 1966.
Estudió en centros de Pasadena (California), y graduóse na John Muir High School,[1] Archiváu 2014-08-20 en Wayback Machine tamién de de Pasadena. La so primer aspiración yera dedicase a les belles artes y la ilustración. Sicasí, foi afayada por Ida Koverman, secretaria del magnate Louis B. Mayer, unu de los fundadores de la MGM, en viéndola nun póster representando al Padre Tiempu.
Tuvo una esitosa carrera na MGM, la RKO y la Columbia con papeles importantes como'l de Beth na orixinal Little Women. Ente otres munches interpretaciones cabo destacar Lady for A Day (Lady for a Day), de Frank Capra; Gabriel Over the White House; Sequoia; The Ghost Goes West, xunto a Robert Donat; y Rasputin and the Empress, na cual tuvo como compañeros a los hermanos Barrymore (John, Ethel, y Lionel), na única película que rodaron xuntos. En 1939, trabayó xunto a Stan Laurel y Oliver Hardy na producción de la RKO The Flying Deuces.
Parker permaneció activa nel cine mientres los años cuarenta. Trabayó en Detective Kitty O' Day, con Lon Chaney en Dead Man's Eyes (1944), de Reginald Le Borg (1902 – 1989), y n'otres películes.
Parker alministró'l so propiu aeropuertu, al pie del so entós home Doug Dawson, en Palm Springs, California, hasta pocu dempués del entamu de la Segunda Guerra Mundial. Mientres la guerra, visitó numberosos hospitales de veteranos nos Estaos Xuníos y trabayó na radio. Nos años cincuenta, Parker co-protagonizó xunto a Edward G. Robinson Black Tuesday, tuvo un papel pequeño pero importante en Gunfighter, xunto a Gregory Peck, y apaeció xunto a Randolph Scott y Angela Lansbury nel western Lawless Street en 1955. La so última interpretación foi en 1966, na película Apache Uprising, dirixida por R.G. Springsteen.
Parker tamién trabayó nel teatru. En 1949 reemplazó a Judy Holliday en Born Yesterday, en Broadway, que foi un gran ésitu. Parker tamién trabayó en Broadway xunto a Bert Lahr na obra Burlesque, fixo representaciones veraniegues en Bucks County, Pennsylvania, fixo una xira cola obra Candlelight and Loco, y formó parte d'otres munches producciones.
Tuvo casada con George MacDonald (1936-1940), col ayudante de direición Douglas Dawson (1941-1943), con Curtis Grotter (1944-1949) y col actor Robert Lowery (1951-1957). Esti postreru trabayaba en 1949 na serie Batman and Robin. En 1952 tuvieron un fíu, Robert Lowery Hanks, que foi executivu en Los Angeles, California. Más palantre, pasó una esitosa temporada nel circuitu teatral de la Mariña Oeste, y trabayó como profesora d'interpretación.
Pasó los sos últimos años nel Motion Picture and Television Country House and Hospital de Woodland Hills, California, onde finó d'un accidente cerebrovascular el 30 de payares de 2005, acabante cumplir los 90 años.
Filmografía
[editar | editar la fonte]Cine
[editar | editar la fonte]Televisión
[editar | editar la fonte]Añu | Títulu | Papel | Notes | Ref. |
---|---|---|---|---|
1951 | Pulitzer Prize Playhouse | Sally Field | Episodiu: "The Wisdom Tooth" | |
1953 | Cowboy G-Men | Dixie Shannon / Alcalde Crystal Colby | 2 episodios | |
1954 | Stories of the Century | Cattle Kate | Episodiu: "Cattle Kate" | |
1954 | The Lone Wolf | Agnes Henshaw | Episodiu: "The Department Store Story" | |
1954 | Adventures of the Falcon | Madge Reynolds | Episodiu: "The Big Heist" | |
1955 | The Eddie Cantor Comedy Theatre | Edith | Episodiu: "The Mink Coat" | |
1955 | Damon Runyon Theater | Dolly | Episodiu: "Barbeque" | |
1956 | Matinee Theater | Amelia | Episodiu: "Dinner at Antoine's" | |
1956 | Private Secretary | Edmee Esmond | Episodiu: "Cat in the Hot Tin File" | |
1956 | The Red Skelton Hour | Clara Appleby | Episodiu: "Appleby's Invention" | |
1959 | Frontier Doctor | Liz Lambert | Episodiu: "The Woman Who Dared" |
Teatru
[editar | editar la fonte]Añu | Títulu | Papel | Teatru | Ref. |
---|---|---|---|---|
1946 | Loco | Loco Dempsey | Biltmore Theatre (Nueva York) | [10] |
1946–1947 | Burlesque | Bonny King | Belasco Theatre (Nueva York) | [10] |
1948–1949 | Born Yesterday | Billie Dawn | National Broadway tour | [10] |
1949 | Light Up the Sky | [11] | ||
1951 | Detective Story | Mary McLeod | Gayety Theatre (Montreal) | [12] |
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Data de consulta: 28 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: idRef. Identificador de referencia de idRef SUDOC: 08568953X. Data de consulta: 5 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.
- ↑ Eames, 1988, p. 97.
- ↑ Eames, 1988, p. 92.
- ↑ 6,0 6,1 Eames, 1988, p. 102.
- ↑ 7,0 7,1 Eames, 1988, p. 103.
- ↑ Eames, 1988, p. 105.
- ↑ Eames, 1988, p. 115.
- ↑ 10,0 10,1 10,2 «Jean Parker». Internet Broadway Database.
- ↑ Fishgall, 2002, p. 142.
- ↑ Whitehead, Harold (September 25, 1951). «Kingsley Drama Seen at Gayety». The Montreal Gazette: p. 12. https://www.newspapers.com/clip/53392047/the-gazette/.
Enllaces esternos
[editar | editar la fonte]- Jean Parker na Internet Movie Database (n'inglés)
- Jean Parker na Internet Broadway Database (n'inglés)
- Jean Parker n'AllMovie (n'inglés)
- «Jean Parker». en Find a Grave. (n'inglés)