John Qualen

John Qualen
Vida
Nacimientu	Vancouver, 8 d'avientu de 1899
Nacionalidá	Estaos Xuníos ; Canadá
Llingua materna	inglés
Muerte	Torrance, 12 de setiembre de 1987 (87 años)
Sepultura	Forest Lawn Memorial Park
Causa de la muerte	infartu de miocardiu
Estudios
Estudios	Universidá Northwestern ; Elgin High School (en)
Llingües falaes	inglés
Oficiu	actor, actor de cine, actor de televisión
Xéneru artísticu	western
Creencies
Relixón	luteranismu
IMDb	nm0702798

John Qualen (8 d'avientu de 1899, Vancouver – 12 de setiembre de 1987, Torrance) foi un actor canadianu de cine y televisión.

Biografía

Los sos padres yeren inmigrantes procedentes de Noruega; el so padre yera un pastor luteranu, y camudó l'apellíu de la familia, "Kvalen", por "Qualen". John creció en Elgin (Illinois).

Empecipió na actuación cuando taba na Universidá de Northwestern. Tres los sos estudios foi a Broadway, y consiguió la so gran oportunidá como'l porteru suecu de la obra Street Scene, d'Elmer Rice. La so carrera cinematográfica empezó cuando recreó'l so papel na versión filmada. A ello siguió la so apaición n'Arrowsmith (1931), de John Ford, colo qu'empezó una collaboración con dichu direutor que se caltuvo a lo llargo de cuatro décades. Ente eses películes tán The Searchers, Two Rode Together y The Man Who Shot Liberty Valance.

Trabayó en más de cien películes, y actuó llargamente en televisión na década de 1970. Munchos de los papeles de Qualen fueron interpretaos con acentos diversos, usualmente escandinavu, usaos davezu como efeutu risible. Trés de los sos papeles más recordaos básense nesa versatilidá. Qualen asumió un dialeutu del mediu oeste nel papel de Muley, en The Grapes of Wrath, de Ford; nel papel de Berger, el miembru de la Resistencia noruega en Casablanca, de Michael Curtiz; nel papel del pescador Locota, na película The High and the Mighty, de William A. Wellman, na qu'usó un acentu llixeramente escandinavu, pero entemecíu con calteres mediterráneos.

John Qualen quedó ciegu nos sos últimos años de vida. Finó por una insuficiencia cardiaca en 1987 en Torrance, California y foi soterráu nel Forest Lawn Memorial Park de Glendale, California.

Tuvo casáu con Pearle Larson, y tuvo tres fíos.

Filmografía escoyida

Street Scene (1931)
Arrowsmith (1931)
Our Daily Bread (1934)
The Bad Man of Brimstone (1938)
His Girl Friday (1940)
The Grapes of Wrath (1940)
The Long Voyage Home (1940)
Knute Rockne All American (1940)
The Shepherd of the Hills (1941)
Tortilla Flat (1942)
Casablanca (1942)
Hans Christian Andersen (1952)
The High and the Mighty (1954)
Anatomy of a Murder (1959)
Elmer Gantry (1960)
Two Rode Together (1961)
The Man Who Shot Liberty Valance (1962)
7 Faces of Dr. Lao (1964)
Cheyenne Autumn (1964)
A peach of Blue (1965)
A Big Hand for the Little Lady (1966)

Referencies

↑ ^1,0 ^1,1 Afirmao en: Gemeinsame Normdatei. Identificador GND: 1062484304. Data de consulta: 16 ochobre 2015. Llingua de la obra o nome: alemán. Autor: Biblioteca Nacional d'Alemaña.

Enllaces esternos

John Qualen na Internet Movie Database (n'inglés)

[ce7dba65af62afe004102b1e8d4e6e310c087b74-1] 1,0 ^1,1 Afirmao en: Gemeinsame Normdatei. Identificador GND: 1062484304. Data de consulta: 16 ochobre 2015. Llingua de la obra o nome: alemán. Autor: Biblioteca Nacional d'Alemaña.

[1]