Paul Biya
Paul Biya (nacíu como Paul Barthélemy Biya'a bi Mvondo; Mvomeka'a, 13 de febreru de 1933) ye un políticu camerunés y actual Presidente de Camerún dende'l 6 de payares de 1982.
Biografía
[editar | editar la fonte]Primeros años y Educación
[editar | editar la fonte]Paul Biya nació'l 13 de febreru de 1933 en Mvomeka'a. Realizó los sos estudios primariu y secundariu en diverses escueles y seminarios católicos, ente ellos el seminariu San Tircirio de Édea y Akono, y el Llicéu Xeneral de Yaoundé, onde llogró'l so títulu de bachiller.[5][6][7] Poco dempués, viaxa a París, Francia, onde sigue los sos estudios nel Llicéu Louis le Grand, na Universidá de Sorbona y nel Sciences Po (Institutu de Ciencies Polítiques de París) onde se gradúa en Derechu Públicu y en Rellaciones Internacionales en 1961.[5]
Carrera política
[editar | editar la fonte]Al so regresu al país en 1962 entró al serviciu del Presidente Ahmadou Ahidjo, aportando a Ministru Secretariu Xeneral de la Presidencia en 1968 y Primer Ministru en 1975. En 1982 el Presidente arrenunció por cuenta de problemes de salú y Biya foi escoyíu como'l so socesor; en 1984 enfrentó un golpe d'Estáu lideráu por Ahidjo, polo que tuvo de realizar una purga ente los sos collaboradores, destituyendo a los más cercanos al ex-presidente. En 1992 y por cuenta de les presiones internu y esternu aceptó la realización d'eleiciones pluripartidistas, magar foi acusáu d'enormes fraudes tres la so victoria. Foi reelecto en 1997, 2004 y 2011, cada vez con mayores y más graves denuncies de corrupción, fraude y delitos de lesa humanidá. Magar los numberoses y manifiestes denuncies de fraude, Biya cuntó col sofitu incondicional de Francia, la so antigua metrópolis y principal valedor. "Col respaldu de Francia, que financió decisivamente una economía bien cambiadiza polos enclinos a la baxa nos precios del cacáu, el café y el petroleu (les principales producciones) y pol retrasu de les reformes estructurales, Biya sintióse autorizáu pa conxelar el procesu democratizador empecipiáu en 1990 y restaurar un orde dictatorial a tolos efeutos". [1]
Ver tamién
[editar | editar la fonte]N'ochobre de 2016, los abogaos, togaos, y los profesores de les dos rexones anglófonas del país (Noroeste y Suroesta, con capital en Bamenda y Buea, alredor d'un 20 % de la población) colaron en señal de protesta polo que consideraben la imposición del francés nos tribunales y escueles d'heriedu y cultura inglesa.Reclamaben respetu a la so diferencia cultural y el regresu al federalismu.[https://www.journalducameroun.com/bamenda-la-greve-des-avocats-et-enseignants-anglophones-se-poursuit/ Organizaciones polítiques llocales que sosteníen la protesta como'l Southern Cameroon national council (SCNC)fueron ilegalizados el 17 xineru de 2017.[ Dende la reunifición col Camerún oriental, antigua colonial francesa, en forma d'Estáu federal, les dos rexones occidentales del país centrafricano viniéronse quexando de ser empuestos a la consolancia cultural frente a la mayoría francofóna. "Depués de la reunificación, agora unu remana'l so autu a la derecha, el francu remplazó a la llibra como moneda, l'añu escolar asonsañó'l de los francófonos, el sistema métricu remplazó les midíes britániques, pero en devanéu busqué una sola institución traida del Camerún anglófono. La influencia cultural de los anglófonos ye práuticamente nula", dicía l'antiguu ministru anglófono Bernard Fonlon na revista cultural Abbia. Col fin del federalismu y el pasu al estáu unitariu en 1972, esti sentimientu de discriminación y marxinación apinóse y nacieron les primeres venetaes independentistes.[1]
Mientres l'últimu añu la situación foise agravando, especialmente dempués de la detención y acusación per terrorismu de los líderes más visibles del movimientu. Ente xineru y abril, y a principios d'ochobre, atayáronse les conexones de teléfonu ya Internet nes rexones anglófonas, ensin qu'hubiera esplicación oficial.[2] Provocando fuertes protestes nes redes sociales sol lema #BringBackOurInternet# con sofitu d'organizaciones como Internet Ensin fronteres o de Edward Snowden [3] Otru puntu d'inflexón foi la marcha pa la proclamación simbólica d'un nuevu estáu llamáu "Ambazonía" nel Día de la Fiesta (de la unificacón) Nacional el 1 d'ochobre de 2017.[4] Estes marches fueron mortalmente reprimíes pol gobiernu, con un saldu de vides que difieren ente los 4, 17 y más de 100 persones, según sían les fontes gubernamentales, d'Amnistía Internacional o de la ONG local REDHAC, quien fixeron una llista de finaos.[5]
A partir de 2018, el conflictu d'intensificáu con ataques de dambes partes, tantu de les milicies independentistes qu'impunxeron un boicó social contra'l gobiernu, col zarru d'escueles, universidaes y comercios. Acúsase-yos d'amburar comisaries, colexos,matar a axentes de les fuercies de seguridá del Estáu, especialmente los BIR, el Batallón d'Intervención Rápida, según políticos del réxime y xefes tradicionales allegaos al gobiernu. Coles mesmes, al gobiernu acúsase-y de masacrar indiscriminadamente a mamplén de persones de la población civil, acusaos de cooperativismu o afinidá colos independentistes, de tortures, violaciones sexuales contra muyeres, y quemes de pueblos enteros. Circulen poles redes sociales abondoses muestres de videu d'estos actos contra ciudadanos anglófonos perpetaos polos BIR, toos francófonos. Estes acusaciones son aldericaes per dellos medios.[6] [7][8][9][10] [11]
Referencies
[editar | editar la fonte]- ↑ Afirmao en: SNAC. Identificador SNAC Ark: w6m48xzj. Apaez como: Paul Biya. Data de consulta: 9 ochobre 2017. Llingua de la obra o nome: inglés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://api.parliament.uk/historic-hansard/written-answers/1989/mar/14/british-honours-and-orders-of-chivalry.
- ↑ URL de la referencia: https://www.quirinale.it/onorificenze/insigniti/341232.
- ↑ 5,0 5,1 «CIDOB - CIDOB». Consultáu'l 14 de febreru de 2017.
- ↑ Profile of Biya at Cameroonian presidency web site en francés
- ↑ Biografía nel sito de la eleición presidencial de 2004 Archiváu 2007-11-21 en Wayback Machine n'inglés
Enllaces esternos
[editar | editar la fonte]- Biografía por CIDOB (n'español)