Puertu Nuevu
 | Esti artículu o seición necesita un ameyoramientu no que cinca a la redaición, la gramática o la ortografía. |
 Puertu Nuevu | |
|---|---|
 | |
| Alministración | |
| País |  Benín |
| Departamentu | Ouémé |
| Tipu d'entidá | ciudá |
| Xeografía | |
| Coordenaes | 6°29′00″N 2°37′00″E / 6.4833°N 2.6167°E |
  Puertu Nuevu Puertu Nuevu (Benín)  | |
| Superficie | 52 km² |
| Altitú | 38 m |
| Demografía | |
| Población | 264 320 hab. (2013) |
| Porcentaxe | 2.4098119483264E+25% de Ouémé |
| Densidá | 5083,08 hab/km² |
| Más información | |
| Llocalidaes hermaniaes |
|
| villedeportonovo.com | |
 | |
Puertu Nuevu[1] (pronunciación en francés: /pɔʁtɔnɔvo/; oficialmente Porto-Novo, tamién conocida como Hogbonou y Adjacé; fon: Xɔ̀gbónù) ye una ciudá de Benín, capital del Dahomey francés demientres la época colonial y del país dende la so independencia. El so conceyu (commune) abarca una estensión de 110 km² y tien una población de 264 320 habitantes (2013)[2].[3]
Porto-Novo ye un puertu na bahía homónima, que ye parte del golfu de Guinea, nel estremu suroriental del país. Ye la segunda ciudá mayor del país, y, magar que ye la so capital, la ciudá de Cotonou ye mayor y más importante dende'l puntu de vista cultural y políticu, una y bones ellí ta la sede del gobiernu.
La contorna de la ciudá produz aceite de palma, algodón y kapok. Na bahía ú s'asienta la ciudá sácase, dende la década de 1990, bien de petroleu, que ye anguaño una de los principales productos d'esportación del país.
Historia
[editar | editar la fonte]El reinu de Porto-Novo yera, primero de la llegada de los portugueses, tributaria del reinu yoruba d'Oyo; entá viven bien de yorubas na ciudá anguaño. La ciudá foi fundada, seique, na segunda metá del sieglu XVI pol lexendariu rei Te-Agdanlin de Allada. El so nome vién-y del portugués, y deriva del so calter de puertu pal comerciu d'esclavos.
En 1863 los británicos, que teníen intereses comerciales en Nixeria, bombardiaron la ciudá, lo que convenció al reinu de Porto-Novo de la necesidá de pidir proteición a Francia. El vecín reinu d'Abomey opúsose a la presencia francesa na rexón, y españó la guerra ente los dos reinos. En 1883 Porto-Novo foi incorporáu a la colonia francesa de Dahomey, de la que se convirtió en capital en 1900. Los reis de Porto-Novo siguieron mandando na ciudá, oficial y extraoficialmente, hasta que morrió'l rei caberu, Alohinto Gbeffa, en 1976. Dende 1908 el rei tenía'l títulu oficial de Chef supérieur.
La ciudá recibió bien d'inmigrantes afrobrasileños que, una y bones algamaron la llibertá en Brasil, volvieron pa África. A resultes d'ello hai muncha influencia de la gastronomía y la arquiteutura na vida cultural de la ciudá.
Sitios d'interés
[editar | editar la fonte]Ente los edificios de la ciudá rescamplen, ente más otros, los que vienen darréu:
- El Muséu etnográficu de Porto-Novo, que tien una importante coleición de máscares yoruba, y tamién oxetos rellacionaos cola historia de la ciudá y el país.
- El Palaciu del rei Toffa, nomáu tamién Palaciu Real y Muséu Honmé (Le Musée Honmé et le Royal Palace), muséu qu'enseña como yera la vida de los reis nes monarquíes africanes.
- La Jardin Place Jean Bayol, gran plaza na que s'afaya la estatua del primer rei de Puertu Nuevu.
- El Muséu da Silva d'historia de Benín, con materiales rellacionaos cola vuelta de los afrobrasileños.
- El Palaciu del gobernador (Palais du Gouverneur), sede de la cámara llexislativa del país.
- La gran mezquita de Puertu Nuevu, asitiada nun edificiu d'estilu brasilanu que primero yera una ilesia.
- El Institutu d'Altos Estudios de Benín.
Referencies
[editar | editar la fonte]Enllaces esternos
[editar | editar la fonte]
Wikimedia Commons acueye conteníu multimedia sobre Puertu Nuevu.
