Aleksey Savrasov

Aleksey Savrasov

1830-1897

Rossiaf lingesik

Aleksey Kondratyevitc Savrasov ( rossiavon Василий Григорьевич Перов ) ba 12/05/1830 koe Moskva koe Rossia kobliyir. Ba 08/10/1897 koe mila widava awalkeyer. Tiyir geltrevaf lingesik is tan redusik va Avlemodikaf Seltom. Blirizva Savrasov dene yasa ke dolekik kobliyir. Jotapon toz zovdar aze bak 1838 dene Lingeropafa is balumaropafa is vegeduropafa reila ke Moskva toz vayar, ravembon gu Karl Rabus. Bak 1850 zo dobar ise vanpir aptacik ke patectoyafa lingeropa. Bak 1852 ko Ukraina koyar, aze bak 1854 va Sankt Peterburg koirubar. Bak 1857 vanpir linges tavesik. Isaak Levitan is Konstantin Korovin tid ke inafa vayasikeem. Bak mil ilanacek va Sofia Karlovna Hertz kurer. Sin va jontik yambik isu dotayesik don Pavel Tretyakov ko intafa mona emuded. Savrasov va Vasili Perov paskaleper. Sin va sint pomad, tulon ta lingera va patectoy va Volga bost dem tota, is lingeks va tcabanesa nakila. Bak 1860-e sanda, ko Engla ta worara va Walvedeyafa Wonara az Swiza lapir. Inaf loturestaf lingesik tid britanafe John Constable is swizafe Alexandre Calame. Razama batlize tigid trutca ( Грачи прилетели ~ 1871 ) gan jontik malyopasik gu ontinuk ke ymabafa klepa ke Savrasov zo torigir. Male entafa zixa vas zveri dimdentalasi is opelackaf patectoy, Savrasov va zeviandara ke tuwava mali fentugal kali imwugal pangon nedir. Batcoba tiyir warzafa nyabafa lingerinda. Va in tusposayar. Daretandon al vanpiyir bewik ke Avlemodikaf Seltom, batkane kojoason gu cultimafa yamba abduaskina gan bowere. Tici 1870-e sanda adre ruyatakoler numen inafa yamba toz deoner. Bak 1882 in gu tavesikeba zo taruler aze ironokaf tandeem ke blira loloon tuwawed. Tere in tir flormakoraf ise gelbegelbeon dun kraber. Bak 1897 copon awalker. Yona trutca Grabom ke Aleksey Savrasov Razama batlize tigid (Грачи прилетели ~ 1871) Siel (Вечер ~ 1880) Aala kene kelda (Просёлок ~ 1873) Wiks va Kreml male Krimski za, muton (Вид на Кремль с Крымского моста в ненастную погоду ~ 1851) Patectoy dem kuksa is kabay (Пейзаж с рекой и рыбаком ~ 1859) Patectoy, domega ke Volga bost (Пейзаж. Берег Волги ~ 1874) Volinskoye wida (Пейзаж. Село Волынское ~ 1887) Wiks va wida (Сельский вид ~ 1867) Fentugal (Зима ~ 1870) Patectoy dem korfi (Пейзаж с радугой ~ 1881) Wiks va Oranienbaum (Вид в окрестностях Ораниенбаума ~ 1854) Cpogol koe Sokokniki ewala (Лосиный остров в Сокольниках ~ 1869) Muvugalaf patectoy dem kuksa bak taelaftacek (Осенний пейзаж с заболоченной рекой при луне ~ 1871) Muvugal. Wida kene kuksa (Осень. Деревушка у ручья ~ 1870) Abdi xeftocek (Перед грозой ~ 1880) Taelaf miel. Pemaxof tey koe patectoy (Лунная ночь. Пейзаж с костром ~ 1880) Petcerski tucpastaxe poke Nijni Novgorod (Печерский монастырь близ Нижнего ~ 1871) Dere rupec ► Avlemodikaf Seltom Stragela Добровольский О. М. Саврасов — М.: Молодая гвардия, 1983. — 271 с.: ил. — (Жизнь замечательных людей) [Электронная версия] Кондаков С. Н. Юбилейный справочник Императорской Академии художеств. 1764-1914. — СПб.: Товарищество Р. Голике и А. Вильборг, 1915. — Т. 2 (Часть биографическая). — С. 174. — 459 с. Мальцева Ф. С. Алексей Кондратьевич Саврасов. — Л.: Художник РСФСР, 1989. — 192 c. Саврасов, Алексей Кондратьевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Телешов Н. Д. Записки писателя: Рассказы о прошлом и воспоминания. — М. : Советский писатель, 1950. — 358 с. — 30 000 экз. Фёдоров-Давыдов А. А. Алексей Кондратьевич Саврасов (1830—1889): Жизнь и творчество — М.: Изд-во Акад. художеств, 1950. — 77, [1] с., [3] л. ил.: ил., портр. — (Русские художники: иллюстр. монографии / Акад. художеств СССР).

Aleksey Savrasov  Koblira  12/05/1830,  Moskva, Rossia  Awalkera  08/10/1897,  Moskva, Rossia  Vedeyot  Rossia  Eba  Lingeropa  Serna  Geltreva, Avlemodikaf Seltom   Grabom  Грачи прилетели, 1871 Печерский монастырь близ Нижнего Новгорода, 1871   Tuveli icde Lingeropa