Pirbudaq

Pirbudaq (Cahanşahın oğlu) ilə səhv salmayın.

Pir Budaq ibn Əbu Nəsr Yusif Bahadır
fars. پیر بوداق‎
Qara Yusifin və Pirbudağın adına Bitlisdə zərb olunmuş təngə.
Qaraqoyunlu sultanı (şərti olaraq)
1411 – 1418
Sonrakı	Qara Yusif həmhakim, ali hakimiyyət ona aid olmuşdur
Şəxsi məlumatlar
Doğum tarixi	1403/1404
Doğum yeri	Dəməşq
Vəfat tarixi	oktyabr 1418
Vəfat yeri	Təbriz
Milliyyəti	Qaraqoyunlu türkmən (Baranlı oymağı)
Atası	Qara Yusif (bioloji) Əhməd Cəlayır (atalığı)
Dini	Şiə İslam
Hərbi xidmət
Döyüşlər	Çalağan döyüşü

Pirbudaq (1403, Dəməşq, Məmlük dövləti – 1418, Təbriz) — müstəqil Qaraqoyunlular dövlətinin ilk sultanı (şərti olaraq).

Həyatı

Pirbudaq atası Qara Yusif Dəməşqdə həbsdə olarkən dünyaya gəlmişdir. Daha sonra Əhməd Cəlayır Pirbudağı oğulluğa götürmüşdür. 1405-ci ildə Qara Yusif və Əhməd Cəlayir həbsdən azad edilmişdir.

Pirbudaq 1410-cu ildə Qaraqoyunlular Cəlairiləri məğlub etdikdə hakimiyyətə gəlmişdir. Bunun səbəbi Pirbudaqın atası Qara Yusifin şah nəslindən gəlmədiyi üçün adətlərə görə taxta çıxa bilməməsi idi. Ancaq Qara Yusif əvvəlcədən oğlunu müttəfiqi Əhməd Cəlayıra oğulluğa verdiyi üçün Pirbudaq uşaq yaşında hakimiyyətə gəlir, ali hakimiyyət isə atasında qalır. 1412-ci ildə Kür çayı sahili döyüşündə məğlub edilənlər arasında olan gürcü hökmdarı I Konstantin özünü məğrur apardığına görə Qara Yusif və Pirbudaq onu öz əlləri ilə öldürür.

Pirbudaq 1418-ci ildə vəfat etdi. Bundan sonra Qara Yusif xütbəni öz adına oxutdurub, Qaraqoyunlu səltənət taxtına əyləşdi.

Ədəbiyyat

• Qızılbaşlar tarixi. Tərcümə və şərhlər M. Ə. Məhəmmədinindir (az.). Bakı: Azərbaycan. 1993. səh. 48.
• Fərzəliyev, Şahin. Azərbaycan XV-XVI əsrlərdə (Həsən bəy Rumlunun ― "Əhsənüt-təvarix" əsəri üzrə) (PDF) (az.). Bakı: Elm. 1983.

Xarici keçidlər

• Pirbudaq Qaraqoyunlunun Şahnaməsi Arxivləşdirilib 2017-08-29 at the Wayback Machine