Quido Verbek
| Quido Verbek | |
|---|---|
 | |
| Doğum tarixi | 28 yanvar 1830 |
| Doğum yeri | |
| Vəfat tarixi | 10 may 1898 (68 yaşında) |
| Vəfat yeri | |
| Vəfat səbəbi | ürək tutması |
| Dəfn yeri |
|
| Fəaliyyəti | maarifçi, missioner |
 Vikianbarda əlaqəli mediafayllar | |
Quido Herman Fridolin Verbek (nid. Guido Herman Fridolin Verbeck; 28 yanvar 1830, Zeyst[d], Utrext – 10 may 1898, Tokio[d]) – Yaponiyada fəaliyyət göstərmiş holland missioner. Meyci hökumətinin məsləhətçilərindən biri olmuşdur.
Həyatı
[redaktə | mənbəni redaktə et]Quido Verbek 1830-cu ildə Niderlandda doğulmuşdur.[1] O, 1859-cu ildə Holland Reformist Kilsəsi tərəfindən Yaponiyaya göndərilmişdir.[1] Yaponiyada dini fəaliyyətlər ilə yanaşı ingilis dili, sosial elmlər və Qərb texnologiyasını tədris etməklə məşğul olmuşdur.[1] İto Hirobumi, Okubo Toşimiçi, Okuma Şiqenobu, Soecima Taneomi kimi tələbələri Meyci hökumətinin əhəmiyyətli şəxsləri olmuşdur.[1] 1869-cu ildə Okumanın məsləhəti ilə Tokioya getmiş və müasir Tokio Universitetinin sələfi olan tədris müəssisəsində köməkçi başçı vəzifəsinə təyin olunmuşdur.[1] O, yeni hökumətin etibarlı məsləhətçilərindən biri olmuşdur.[1]
Verbekin məsləhətləri əsasında Yaponiyada prefektura sistemi qurulmuş (1871), Qərb dünyasına İvakura missiyası göndərilmiş (1871), təhsil haqqında qanun (1872) və hərbi xidmət haqqında sərəncam (1873) qəbul edilmişdir.[1] David Murreyin 1873-cü ildə Təhsil Nazirliyinin məsləhətçisi seçildikdən sonra Verbek hüquq məsləhətçisi və hüquq məcəllələrinin rəsmi tərcüməçisi kimi işləmişdir.[1] 1877-ci ildə hökuməti tərk etmiş və həyatının qalan hissəsini missionerliyə həsr etmişdir.[1]
Bibliyanın tərcüməsi
[redaktə | mənbəni redaktə et]Verbek Bibliyanın yapon dilinə tərcümə edilməsində iştirak etmişdir.[2] O, 1880-ci ildə Zəburu fərdi olaraq tərcümə etmişdir.[2] Verbek Bibliyanı tərcümə etmək üçün 1882-ci ildə yaradılmış komitənin üzvü olmuşdur.[2] Komitənin görüşləri Verbekin Tsukicidə yerləşən evində baş tutmuşdur.[2]
İstinadlar
[redaktə | mənbəni redaktə et]Ədəbiyyat
[redaktə | mənbəni redaktə et]- Kodansha Encyclopedia of Japan (ingiliscə). VIII cild (Temp–Z). Tokio: Kodansha. 1983. səh. 189-190. ISBN 0-87011-628-2. İstifadə tarixi: 13 avqust 2022.
- Mullins, Mark, Handbook of Christianity in Japan, Brill, 2003, ISBN 90-04-13156-6
- 28 yanvarda doğulanlar
- 1830-cu ildə doğulanlar
- Utrext əyalətində doğulanlar
- 10 mayda vəfat edənlər
- 1898-ci ildə vəfat edənlər
- 68 yaşında vəfat edənlər
- Tokioda vəfat edənlər
- Aoyama qəbiristanlığında dəfn olunanlar
- Yaponiyada xarici pedaqoqlar
- Yaponiyada protestantlıq
- "Doğan günəş" ordeni ilə təltif edilənlər
- Meyci hökumətinin xarici məsləhətçiləri
- Bibliyanı yapon dilinə tərcümə edənlər
- Yaponiyadakı Niderland qürbətçiləri