Robert Qarrett

Robert Qarrett
Şəxsi məlumatlar
Tam adı	Robert Qarrett
Vətəndaşlığı	Birləşmiş Ştatlar
Doğum tarixi	24 may 1875
Doğum yeri	Baltimor, Birləşmiş Ştatlar
Vəfat tarixi	25 aprel 1961 (85 yaşında)
Vəfat yeri	Baltimor, Birləşmiş Ştatlar
Təhsili	Prinston Universiteti
Boyu	188 sm
Çəkisi	81 kq
İdman növü	Yüngül atletiкa
Medallar Olimpiya Oyunları Gümüş 1896 Afina Hündürlüyə tullanma Qızıl 1896 Afina Lövhə atma Qızıl 1896 Afina Nüvə itələmə Gümüş 1896 Afina Uzunluğa tullanma Bürünc 1900 Paris Nüvə itələmə Bürünc 1900 Paris Üçtəkanla tullanma
Vikianbarda əlaqəli mediafayllar

Robert Qarrett (d. 24 may 1875; Baltimor, Birləşmiş Ştatlar - ö. 25 aprel 1961; Baltimor, Birləşmiş Ştatlar) — Birləşmiş Ştatları təmsil edən yüngül atlet. Robert Qarrett 1896 Afina Olimpiadasında iki qızıl və iki gümüş medal, 1900 Paris Olimpiadasında isə iki bürünc medal qazanıb.

Həyatı

Robert Qarrett 1875-ci ilin 24 may günündə Birləşmiş Ştatların Merilend ştatında Baltimor şəhərində anadan olub. 1961-ci ilin 25 aprel tarixində isə elə həmin şəhərdə ömrünün 85-ci yaşında vəfat edib.

Afina Olimpiadası

Robert Qarrett 1896-cı ildə Yunanıstanın Afina şəhərində I Yay Olimpiya Oyunlarına dörd yarış üzrə qatıldı. Hündürlüyə tullanma yarışlarında mübarizə aparan Qarrett 1.65 metr nəticəyə imza atdı və Birləşmiş Ştatların digər nümayəndəsi Ceyms Konnolli ilə birgə I Yay Olimpiya Oyunlarının gümüş medalını qazandı.

Qarret lövhə atma yarışlarında isə 29.15 metr nəticə göstərdi və I Yay Olimpiya Oyunlarında özünün birinci qızıl medalını qazandı. Nüvə itələmə yarışlarında da Robert Qarrett analoji uğuru qazandı. 11.22 metr nəticə göstərən Qarrett Afina Olimpiadasında özünün ikinci qızıl medalını qazandı.

Robert Qarrett I Yay Olimpiya Oyunlarında dördüncü medalını uzunluğa tullanma yarışlarında qazandı. 6.35 metr uzunluğa tullanan Qarrett həmyerlisi Elleri Klarkdan geri qaldı və Afina Olimpiadasının gümüş medalını qazandı.

Paris Olimpiadası

Robert Qarrett 1900-cı ildə Fransanın Paris şəhərində II Yay Olimpiya Oyunlarına qatıldı. Qarret həmin yarışlarında nüvə itələmə və üçtəkanla tullanma növündə mübarizə apardı. Üçtəkanla tullanmada Robert Qarrett 9.50 metr nəticəyə imza atdı və Paris Olimpiadasının bürünc medalını qazandı. Nüvə itələmə yarışlarında isə Qarrett 12.37 metr nəticəyə imzan atdı və yenə II Yay Olimpiya Oyunlarının bürünc medalını qazandı.