پارانوئید شخصیت پوزوقلوغو
پارنوئید شخصیت پوْزوقلوغو -(اینگیلیسجه:Paranoid personality disorder) بۇ مریضلیگین کؤکونده باشقالارینا قارشی حیس اوْلان اعتیمادسیزلیق و سوءظن یاتار.فرد شکلریندن بحث و شیکایت ائدرک و یا هۆجوم و حمله ایله ایفاده ائدر.پارانوئید فردلر گؤرونتوده سوْیوق و منطقلی کیمی گؤرونه‌بیلیرلر آمّا عۆموناً مۆهاجیم ،عینادچی داورانارلار.باشقالاری حقّینده منفی قیضاوتلر گلیشتیره‌بیلیر و اؤزلری کیمی پارانوئید اینانجلاری پایلاشیلدیغی فیرقه‌لر یادا گۇروه‌لارا عۆضو اوْلابیلیرلر.بۇ فردلر عۆموماً اؤزلرینی دۆز،عادیل و دوْغرو اوْلاراق گؤرلر.پارانوئید شخصلره یانلیش اینانجلارینی ثابیت ائتمک اۆچون منطیق ایله بحث اوْلاماز،پارانوئید فرد دلیللری قبول ائتمز و هر دلیله یئنی قانیتلار گتیریب و اؤز ایستیدلالینا آرتیریب اوْنو تکمیللشدیر.
تدقیقاتلار پارانوئید فردلرین آلتی اساس اینانجا صاحیب اوْلدوقلارینی گؤسترمکتدیر:
۱-فلاکت چوْخ یاخیندیر.
۲-دۆنیا پیس آداملارلا دوْلودور.
۳-قضا اوْلمور، بۇ نوع اوْلایلار پیس نیتلی اینسانلار طرفیندن گؤرولور.
۴-هرکس منیم دۆشمنلیگیمده چالیشیر.
۵-من حقّلییم و آیری آداملار خطالی.
۶-من آیری اینسالاردان فرقلییم ،اوْنلار گؤرمه‌دیکلرینی گؤربیلیر و یادا حیس ائده‌بیلیرم.
چوْخ آز پارانوئید شخصیت پوْزوقلوغو اوْلان فرد اؤز ایستگی ایله پسیکولوژا (روانپزشک) یا پسیکاتریسته (روانشناس) موراجیه ائدر.اکثراً عایله عۆضولاری یا آیری عامیللرین زوْریلا درمانی باشلارلار.