Tallit

A Tallit oda Tallith (טַלִּית‎, jiddisch Tallis) is a jidischa Gebetsumhaung.

Da Tallit is a viaeckads Tiachl aus Woi, Baamwoi oda Seidn. De Foab is meistns weiss. Da Tallit is owa oft mit weissn oda schwoazn Straafn vaziat. Wichtiga Bstaundteu vaum Tallit san de Zizijot (Singular: Zizit). Des san via launge Fodn, de meafoch vaknotet san.^[1]

Da Tallit wiad heitzdogs in da Regl nua zum Muagngebet (Schacharit) trong, und zwoa iwas Gwaund gschlong. Owa des sowoi in da Synagogn ois aa privat.

A jidischa Bua trogt zum easchtn Moi bei seine Bar Mitzwa an Tallit. Madln deafn in Tallit nua im liberaln Judntum trong, zum easchtn Moi bei eanara Bat Mitzwa.

Beleg

↑ Tallith 1). In: Heinrich August Pierer, Julius Löbe (Hrsg.): Universal-Lexikon der Gegenwart und Vergangenheit. 4. Auflage. Bd. 17, Altenburg 1863, S. 219 (Online bei zeno.org).

Literatua

Dieter Philippi: Sammlung Philippi – Kopfbedeckungen in Glaube, Religion und Spiritualität. St. Benno Verlag, Leipzig 2009, ISBN 978-3-7462-2800-6

Im Netz

Commons: Tallit – Sammlung vo Buidl, Videos und Audiodateien

[1] Tallith 1). In: Heinrich August Pierer, Julius Löbe (Hrsg.): Universal-Lexikon der Gegenwart und Vergangenheit. 4. Auflage. Bd. 17, Altenburg 1863, S. 219 (Online bei zeno.org).

[1]