Abraham

Abraham is a wichtiga Mo im Judndum, im Kristendum und im Islam. Ea soi üba dausend Joare voa Jesus glebt hom. Aus seim easdn Bua Ismael von de Hagar de mogd seina frau Sarah, und sei Buam Simro, Jokscho, Medo, Midio, Jischbak und Schuach von de Ketura, san de Völka des Islam entstandn. Ketura war noch da biblischn Eazählung in da Gnesis im Oidn Testament de zwoate Frau Obrahams de ea noch am tode Sarahs gheiratet hod. Sei zwoata Bua Isaak von de Sarah, greadete des jüdische Voik. Isaaks Bua war Jakob. Jakob hod 12 Söhne. De 12 Söhne buidedn de 12 Stämme Israels.

Des Judendum, des Kristndum und den Islam nennt ma deshoib aa de obrahamitischn Religiona. Olle drei berufa si auf den Stammvoda Abraham.

Sei Gschicht städ ausführlich im easdn Teil da Bibl, am Oidn Testament. Ois Zeichn fia des Bündnis mid God soiad Abraham si seiba und schbada sein Junga de Vorhaut am Zipfe obschneidn. Des nennt ma Beschneidung. God hod Abraham befohln, aa sei Söhne zua beschneidn (Brit Mila). Des gschieht am achdn Dog noch da Gburt. Da Mo, da de Beschneidung vornimmt, is da Mohl. De Moslems beschneidn ihre Junga zwischn 5-7 Lebensjoar.