Nassig
Nassig Stod Wertheim
| |
---|---|
![]() | |
Höhe: | 315 m |
Einwohner: | 1342 (31. Dez. 2022)[1] |
Eingemeindung: | 1. Jenna 1972 |
Postleitzahl: | 97877 |
Vorwahl: | 09342 |
Da Ort Nassig liegd im Noadostn vom Bundesland Bodn-Wiattmbeag und is seit 1. Jenna 1972 Tei vo da Großn Kroasstod Wertheim. De Eihwohnazoih belafft se af 1342[1] Eihwohna.
Nochboaorte
[Werkeln | Am Gwëntext werkeln]De ongrenzndn Orte san unta ondam Reicholzheim, Vockenrot, Grünenwört, Sonderriet, Sachsenhausen (olle zu Wertheim gheand) und Wessental (ghead zu Freudenberg).
Gschicht
[Werkeln | Am Gwëntext werkeln]De Ortschoft Nassig is im Joar 1218 as easchte Moi uakundli eawähnd worn. Olladings zoang Woffn und Weakzeigfunde, doss im heiting Gebiet vo Nassig scho voa Kristi Geburt Menschn glebd hom. Da Nam vo da Ortschoft hod se im Laff vo da Ortsgschicht meahfoch geändad. Uaspringli hod de Ortschoft an Nam Nazza drong. Weidare Namansentwicklunga hom iwa Nazzahe, Netzach, Nassawe und Nassach zum Nam Nassag (im 18.Joarhundad) gfiahd, dea se spadaa zum heiting Nam Nassig gwondld hod.[2]
De letzdn Kriagsdog vom Zwoatn Wejdkriag hom de Ortschoft seah troffn. Beim Ogriff vo alliiatn Truppn san Schui, Kiach sowia 28 Wohnhaisa und 64 Scheuna zastead worn. Zoihreiche Soidotn hom iah Lem lossn.
Reglmäßige Vaostoitunga
[Werkeln | Am Gwëntext werkeln]A große Attrakzion is in Nassig as Westernfest in Nassig Forest mid vaschiedana Vaostoitunga. So hod duad beispuisweis im Joar 2006 de Band Truck Stop gspuid.
Beleg
[Werkeln | Am Gwëntext werkeln]- ↑ 1,0 1,1 Fortschreibung der Wohnbevölkerung 2022. Stadt Wertheim. (PDF) Obgruafa om 30. Meaz 2023. Archiviert om 30. Meaz 2023.
- ↑ Geschichtliches über den Ort Nassig (obgruafa om 13. Dezemba 2009)