Gailis
Gailis aba gālis (lot. Rhododendron tomentosum, sin. Ledum palustre) ī tuokis augals, katros muokslėškā prigol erėkėniu augalū (Ericaceae) šeimā.
Tas augals visžalis daugiametis ī, lėg 150 cm ožaugons aukštos krūms. Stombris anou būn mediejons, nug anou aug plaukoutas šakotės. Lapā blizg. Žėidā būn balti, aug kekies. Aug gailē aukštapelkies, torpīnūs, medies (pelkietūs pošīnūs). Žīdia baltā gegožė mienesie.
Gailis tora nuognē magītinga kvapa, nug katrou jėm svāgtė galva.
Gailis liekvarstos nug galvuos suopiejėma, alsavėma lėgū ī. Tink anūs dietė kor būn drabožē, vėlnās, tūmet kondis anūm najied. Gailiu stėibās dara tomsē rodā.