Astrolohiya
An astrolohiya[1] iyo an pag-aadal nin mga bitoon tanganing mahiling asin maaraman an mapupwedeng mangyari o maganap sa ngapit. Nanonongod ini sa nagkapirang mga sistema, tradisyon o pagtubod na an kaaraman nin maliwanag na posisyon kan mga bagay sa kalangitan iyo an pigkakaptan na makabuluhan sa pagsabot pagkahulugan, asin pagpakarhay nin kaaraman dapit sa mga gibohon na pantawo asin mga pangyayari sa kinaban. Inaapod an nagsasanay sa astrolohiya bilang astrologo[1] (nagiging astrologa kun babae) o, bako masyadong parating ginagamit, astrolohista.
Nagpoon an katagang "astrolohiya" poon sa katagang Griyego na αστρολογία, ginuno gikan sa άστρον, astron, "bitoon" asin λόγος, logos, na may manlaenlaenaen na kahulugan - pankagabsan na may kinaaraman sa "sistematikong pag-iisip o pagtaram". Para sa iba,an astrolohiya iyo an siyentipikong pag-aadal sa mga bitoon, planeta asin iba pang buntala upang matukoy an natatagong hilom nin buhay, kapaladan, asin katangian nin tawo.
Mga Naggigiya na mga Buntala sa mga Signos
[baguhon | baguhon an source]Lambang signo igwa nin katampad na planeta tanganing maaraman an nakatagong kapaladan kan tawo, kaugalian asin katangian kan tawo na piguugnay sa planeta.
| Signo | Makalumang Giyang Buntala | Makabagong Giyang Buntalang Giya |
|---|---|---|
| Aries | Mars | Mars |
| Taurus | Venus | Venus |
| Gemini | Mercury | Mercury |
| Cancer | Buwan | Buwan |
| Leo | Araw | Araw |
| Virgo | Mercury | Mercury |
| Libra | Venus | Venus |
| Scorpio | Mars | Pluto |
| Sagitarius | Jupiter | Jupiter |
| Capricorn | Saturn | Saturn |
| Aquarius | Saturn | Uranus |
| Pisces | Jupiter | Neptune |
Mga elemento asin kalidad na igwa an mga signos
[baguhon | baguhon an source]Nababanga an mga Signo sa apat na elemento asin tulong kalidad.
| Signo | Elemento | Kalidad |
|---|---|---|
| Aries | Kalayo | Cardinal |
| Taurus | Daga | Fixed (Karaniwan) |
| Gemini | Duros | Mutable (Nagbabago) |
| Cancer | Tubig | Cardinal |
| Leo | Kalayo | Fixed |
| Virgo | Daga | Mutable |
| Libra | Duros | Cardinal |
| Scorpio | Tubig | Fixed |
| Sagitarius | Kalayo | Mutable |
| Capricorn | Daga | Cardinal |
| Aquarius | Duros | Fixed |
| Pisces | Tubig | Mutable |
Mga Elemento
[baguhon | baguhon an source]- Kalayo - enerhiya, aktibo, kusog, hiro, bugso
- Daga - hawak, praktikal, nakatimak an bitis sa daga,
- Duros - an isip, intelektwal, mga ideya, haka-haka
- Tubig - an mga emosyon, malinalang, mapag-aruga, mapag-solo
==Kinaaraman sa astronomiya== Pigtutubodan kan suanoy na mga astrologo an hiro kan saldang, bulan, asin mga planeta sa kalangitan. Binibilog an mga enot na astrologo kan mga pamayong-padi, na nagtutubod na makapagsasabi nin mga posibleng maganap sa ngapit kan kinaban an mga hiro kan saldang, bulan, asin mga planeta. Maski na ngani sala, sinasamba kan mga namamanwaan an mga bitoon asin mga planeta bilang mga diyos, na nagbunga sa maingat na pag-aadal sa kalangitan asin kalawakan. Naggagamit an mga astrologo nin mga tablang pang-astronomiya kaya nahuhulaan ninda kun nuarin magaganap an mga eklipse o pagpara o paglamlam kan liwanag. Sarong bagay ini kun tano nagin mahahalagang kaapil kan sosyedad an mga astrologo, na nagaangkin man na igwa sindang kapangyarihan na masalamangka. Nagtutubod man kaidto na maraot na hudyat an pag-olang kan bulan sa liwanag kan saldang, asin an paglagak kan kinaban sa pag-oltanan kan saldang asin kan bulan. Nin huli sa mga suanoy na astrologo, nanudan kan mga tawo an mga tunay na mapaggagamitan kan astronomiya.[2]
Toltolan
[baguhon | baguhon an source]- ↑ 1.0 1.1 "Astrolohiya, astrolohia, astrology, astrologo, astrologer". English, Leo James. Tagalog-English Dictionary (Talahulugang Tagalog-Ingles). 1990.
- ↑ "Origins of Astronomy, History of Astronomy". The New Book of Knowledge, Grolier Incorporated. 1977.
