Hajj
An Hajj (/hædʒ/; Arabe: حج Ḥaǧǧ "pagsosongko") iyo an taonan na pagsongko kan mga Muslim sa Mecca, an pinakabanal na siyudad para sa Muslim, asin ini sarong obligasyon ninda susog sa saindang tinotongkosan na mga pagtubod na iyo an katugmaran kan buhay Muslim. An pagsongko saro asin kaiba sa Limang Harigi nin pagbabanal na itinutukdo sa Hadith ni Gabriel. Iminamando na sikyera sarong beses maotob ini sa buhay nin sarong Muslim. An mga Muslim na yaon sa mayor na edad maghimo kan hajj basta sinda yaon sa marayrahay na salud asin may kakayahan pinansyal. Kun mayo sa tamang salud asin naghehelang o may kakundian sa pagbiyahe, pwede man na ibang tawo an tuyong maggibo kan hajj para saiya.[1]
Laen pa kan pagsongko, an apat pang Harigi sa pagbabanal kan Muslim iyo an Shahadah (pagtubod), Salat (pagpamibi), Zakat (paglimos), asin Sawm (pag'ayuno). An kahulogan kan "hajj", "paghingowa na magbyahe" na yaon an akto nin paglakaw asin an yaon sa bilog na boot an paggibo kaini. An Muslim na yaon na sa kamugtakan nin kakayahan sa pagbyahe inaapod na "istita'ah" asin an nakagibo na kan siring, inaapod na "mustati". An nakasongko na sa Mecca durante kan hajj, pwede nang magdukot kan tataramon na 'hajji' sa saiyang pangaran.
An pagsongko' ginigibo sa pag'oltan kan ika-8 sundo ika-12ng aldaw kan Dhu al-Hijjah, an ultimong bulan kan kalendaryo Islamiko. Huli ta an kalendaryong Islamiko batay sa hiro kan bulan asin an taon Islamiko kapos nin onseng aldaw sa taon Gregoriano, an petsang Gregoriano kan hajj naghihira taon-taon. An "ihram" iyo an espiritwal na bugtak kan mga parasongko kun saen sinda nasulot nin duwang soknong na puting gubing na mayong mga tipig, asin sinda nalehe sa mga ipinapangalad na mga gawe. An nakasongko na sa Mecca durante kan hajj, pwede nang magdukot kan tataramon na 'hajji' sa saiyang pangaran.
Taon-taon, an nasongko sa Mecca para sa hajj naabot lampas sarong milyon na deboto.[2]
Mga gaweng relihiyoso sa Hajj
[baguhon | baguhon an source]An pagsongko sa Mecca saro sana sa relihiyosong gawe sa pag-haHajj. Sinasabing an hajj may kuneksyon sa buhay ni propetang Muhammad kan ika-7ng siglo pa, alagad an praktis na ini pirang taon nang ribo pabalik sa panahon ni Abraham ginigibo kan mga Muslim sa hajj; an mga parasongko nabali sa mga prosesyon kan ginatos na ribong mga deboto na natiripon sa Mecca sa pag'otob nin mga ritwal, lambang deboto nalibot sa Ka'aba nin pitong beses direksyon patras itok nin relo manta nagpapangadye, balik-balik maglakaw o dalagan sa mga bulod nin Al-Safa asin Al-Marwah, mag'inom sa bubon kan Bobon Zamzam, magpasiring sa kapatagan kan Buklod Arafat sa pagpuka, magpadamlag sa kahiwasan kan Muzdalifa, asin simbolikong magpalayas sa demonyo paagi nin pagdaklag nin mga gapo sa tolong pilar. Dangan an mga parasongko naarit kan enterong buhok ninda, naatang sakripisyo nin hayop, asin narokyaw nin 3-aldaw na kapyestahan nin Eid al-Adha.
An mga parasongko pwede man magpilgrimahe sa ibang bulan kan taon sa paggibo kan mga ritwal. Inaapod ining Umrah, "mas hababang pilgrimahe"; alagad, kun makakayanan, mas marhay man giraray daa na magsongko durante sa Hajj ta bakong karibay igdi an Umrah.
Mga panluwas na takod
[baguhon | baguhon an source]- [3] Ano an hajj. Kinua 17-06-17</ref>
