Kwadradong gamot

Notasyon para sa (prinsipal) kwadradong gamot kan x

Halimbawa, an √25 = 5, huli ta 25 = 5 ⋅ 5, o 5² (5 na kwadrado)

Sa matematika, an kwadradong gamot (Ingles: square root) kan numerong x iyo an numerong y kun sain y² = x; sa ibang pagsayod, an numerong y na an kwadrado (an resulta sa pagmultiplika kan numero sa saiyang sadiri, o y ⋅ y) iyo x. Halimbawa, an 4 asin −4 iyo mga kwadradong gamot kan 16, huli ta an 4² = (−4)² = 16.

An lambang dae-negatibo na tunay na numerong x igwa nin unikong dae-negatibong kwadradong gamot, na inaapod na prinsipal na kwadradong gamot, na pigsusurat na ${\sqrt {x}},$ kun sain an simbolong ${\sqrt {~^{~}}}$ iyo inaapod na radikal na senyal o radix. Halimbawa, an prinsipal na kwadradong gamot kan 9 iyo 3, na pigsusurat na ${\sqrt {9}}=3,$ huli ta an 3² = 3 ⋅ 3 = 9 asin an 3 iyo dae-negatibo. An termino (o numero) na an kwadradong gamot pigkokonsidera iyo bisto bilang an radicand. An radicand iyo an numero o ekspresyon sa laog kan radikal na senyal, sa kasong ini iyo an 9.

An lambang positibong numerong x igwa nin duwang kwadradong gamot: ${\sqrt {x}},$ na iyo positibo, asin $-{\sqrt {x}},$ na iyo negatibo. Sa pagsalak, an duwang gamot iyo pigsusurat bilang $\pm {\sqrt {x}}$. Alagad an prinsipal na kwadradong gamot kan positibong numero iyo saro sana sa duwang kwadradong gamot kaini, an designasyon na "an kwadradong gamot" iyo harus nagagamit dapit sa prinsipal na kwadradong gamot. Para sa positibong x, an prinsipal na kwadradong gamot pwede man masurat sa eksponentasyong notasyon, bilang x^1/2.

Panluwas na takod

• Algorithms, implementations, and more – Webpage ni Paul Hsieh manungod sa kwadradong gamot
• How to manually find a square root
• AMS Featured Column, Galileo's Arithmetic by Tony Philips – kabali an sarong seksyon kun pano nahanap ni Galileo an mga kwadradong gamot