Маратга
| Маратга मराठा साम्राज्य | ||||
| ||||
| ||||
Дзяржава маратгаў у пэрыяд росквіту | ||||
| Афіцыйная мова | Маратгі | |||
| Сталіца | Райгад, Пуна | |||
| Форма кіраваньня | Манархія | |||
| Гісторыя • Стварэньне дзяржавы • Уваходжаньне ў склад Брытанскай Індыі |
21 красавіка 1674 21 верасьня 1820 | |||
| Плошча • агульная |
2 800 000 км² | |||
| Насельніцтва • агульнае (1700) |
150 000 000 чал. | |||
Маратга, альбо Імпэрыя маратгаў ці Канфэдэрацыя маратгаў (मराठा साम्राज्य) — буйная індуісцкая дзяржава, створаная ў 1674 годзе маратгамі на чале з Шываджы на тэрыторыі сучаснага штату Магараштра і прылеглых да яго землях. Сталіца — Райгад.
Пачынальна з кіраваньня ўнукаў Шываджы ў дзяржаве маратгаў нарастаюць цэнтрабежныя тэндэнцыі. Пра сваю самастойнасьць ад пэшвы (першага міністра) аб’яўляюць намесьнікі Бэрара (з цэнтрам у Нагпуры) і Малвы (з цэнтрам у Індауры). У 1720-я і 1730-я гады валадарствы маратгаў ператвараюцца ў кааліцыю княстваў маратгаў, ці ледзь не найдужэйшым зь якіх становіцца Гваліяр.
У 1761 годзе ўладары маратгаў патрывалі зруйнавальную паразу пад Паніпатам ад аўганскіх войскаў Агмад-Шага Дурані. У новай палітычнай сытуацыі князі маратгаў прыняліся за перадзел сваіх валадарстваў: гваліярсій раджа заняў Дэлі, а кіраўнік Малвы прысвоіў частку Раджастгану і Пэнджабу.
Гэтымі звадамі не прамінула скарыстацца Брытанская Ост-Індзкая кампанія. Падчас трох англа-маратгскіх войнаў (1775—1782, 1803—1805, 1817—1818) брытанцы адабралі ў маратгаў Дэлі і некаторыя іншыя тэрыторыі, а самі князі ператварыліся ў васалаў Ост-Індзкае кампаніі.
Вонкавыя спасылкі
[рэдагаваць | рэдагаваць крыніцу]
Маратга — сховішча мультымэдыйных матэрыялаў