Рэпрадукцыйная сыстэма
Рэпрадукцы́йная сыстэ́ма — сыстэма органаў жывых арганізмаў (жывёлаў, расьлін, грыбоў і іншых), якая адказвае за іхнае размнажэньне. У жывёлаў рэпрадукцыйныя сыстэмы прадстаўнікоў розных плоцяў аднаго віду нярэдка вельмі адрозьніваюцца, у адрозьненьне ад іншых сыстэмаў органаў, якія ў прадстаўнікоў розных плоцяў адрозьніваюцца замала. Гэтыя адрозьненьні прыводзяць да стварэньня новага генэтычнага матэрыялу, які дазваляе мець больш прыстасаванае патомства[1]. Некаторыя рэчывы (гармоны й фэрамоны) таксама выконваюць важную ролю ў рэпрадукцыйнай сыстэме жывёлаў[2]. Функцыянаваньне рэпрадукцыйнай сыстэмы рэгулюецца эндакрыннай сыстэмай арганізму, што задае біяляагічныя рытмы, якія маюць цыклічны характар з цыклямі рознай пэрыядызацыі ў розных біялягічных відаў. Канчатак пасьпяваньня рэпрадукцыйнай сыстэмы храналягічна прымеркаваны да максымальнага фізычнага разьвіцьця індывіду.
У большасьці хрыбетных жывёлаў рэпрадукцыйная сыстэма мае падобны плян будовы: плоцевыя залозы (ганады) — вывадныя пратокі — вонкавыя плоцевыя органы. Асноўныя органы рэпрадукцыйнай сыстэмы чалавека ўключаюць генэталіі (чэлес і похва), а таксама ўнутраныя ворганы, уключаючы выпрацоўваючыя плоцевыя вузы ганады (семеньнікі й яічнікі). Захворваньні рэпрадукцыйнай сыстэмы чалавека вельмі пашыраныя, асабліва хваробы, якія перадаюцца плоцевым шляхам[3].
Крыніцы
[рэдагаваць | рэдагаваць крыніцу]- ^ Reproductive System 2001 Body Guide powered by Adam
- ^ Introduction to the Reproductive System. SEER’s Training Website. U.S. National Cancer Institute’s Surveillance, Epidemiology and End Results (SEER) Program.
- ^ STD’s Today National Prevention Network, Center for Disease Control, United States Government, retrieving 2007
Вонкавыя спасылкі
[рэдагаваць | рэдагаваць крыніцу]- Рэпрадукцыйная сыстэма: факты, функцыі і захворваньні. Live Science. (анг.)
- Мужчынкая рэпрадукцыйная сыстэма. WebMD. (анг.)
- Жаночая рэпрадукцыйная сыстэма. WebMD. (анг.)
- Рэпрадукцыйная сыстэма. BetterHealth. Victoria State Goverment. (анг.)
- Плоцевая сыстэма чалавека: роля, рэпрадукцыйная ворганы і захворваньні. Природа Мира. (рас.)
- Рэпрадукцыйная сыстэма жанчыны. Банк рецептов. (рас.)