Уладзімер Каткоўскі
Уладзімер Каткоўскі лац. Uładzimier Katkoŭski | |
 | |
| Род дзейнасьці | блогер, інтэрнэт-актывіст |
|---|---|
| Дата нараджэньня | 19 чэрвеня 1976 |
| Месца нараджэньня | Менск, БССР |
| Дата сьмерці | 25 траўня 2007 (30 гадоў) |
| Месца сьмерці | Прага, Чэхія |
| Прычына сьмерці | дарожны інцыдэнт[d] |
| Месца пахаваньня |
|
| Занятак | блогер, грамадзкі дзяяч, вікіпэдыст, спэцыяліст у галіне інфарматыкі, журналіст |
| Сайт | br23.net |
Уладзімер Леанідавіч Каткоўскі (19 чэрвеня 1976, Менск — 25 траўня 2007, Прага) — беларускі блогер і дзяяч інтэрнэту.
Біяграфія
[рэдагаваць | рэдагаваць крыніцу]Нарадзіўся ў Менску, тамсама скончыў школу. У 1993 годзе зьехаў у ЗША паводле праграмы адукацыйнага абмену «Акт у падтрымку свабоды».
Скончыў Амэрыканскі ўнівэрсытэт у Благоеўградзе (Баўгарыя) у спэцыяльнасьці «інфарматыка». Працаваў кампутарным спэцыялістам у Будапэшце (Фонд Сораса), потым у Франкфурце-на-Майне. З 2002 году працаваў у беларускай рэдакцыі Радыё Свабода.
16 чэрвеня 2006 году разам з сваёй жонкай Ёнадай трапіў у аўтамабільную катастрофу на вуліцы Прагі. З таго часу знаходзіўся ў глыбокай коме. Памёр 25 траўня 2007 году, амаль праз год па катастрофе, так і не вярнуўшыся да прытомнасьці. Пахаваны на могілках «Пятроўшчына» ў Менску.
Дзейнасьць у інтэрнэце
[рэдагаваць | рэдагаваць крыніцу]Уладзімер Каткоўскі быў адным з пачынальнікаў беларускамоўнага інтэрнэту і яго актыўным і вядомым дзеячом. У канцы 1990-х гадоў разам зь Ёнадай у Баўгарыі стварыў сайт «Літванія, зямля ліцьвінаў». Быў адным зь першых беларускамоўных блогераў у LiveJournal (карыстальнік rydel23[1]), пазьней таксама стаў адным з найболей папулярных. За свой блог br23.net[2] атрымаў гран-пры 4-га конкурсу беларускіх кантэнт-праектаў, які праводзіўся кампаніяй TUT.BY.
Стварыў і падтрымліваў сайт Pravapis.org, прысьвечаны беларускай мове, сайт «Мартыралёґ Беларусі», які апавядаў пра беларускія ахвяры сталінскіх рэпрэсіяў. Пераклаў на беларускую мову інтэрфэйс вядомага пошукавіка Google, заснаваў Вікіпэдыю на беларускай мове (Удзельнік:Rydel).
Стварыў і адміністраваў апошнюю вэрсію сайту беларускай службы Радыё Свабода.
Уладзімер Каткоўскі заўсёды актыўна змагаўся за пашырэньне беларускай мовы і аб’ектыўнай інфармацыі пра Беларусь у інтэрнэце.
Крыніцы
[рэдагаваць | рэдагаваць крыніцу]Вонкавыя спасылкі
[рэдагаваць | рэдагаваць крыніцу]- Разьвітаньне з Уладзем Каткоўскім на Радыё «Свабода»
- Нэкралёг на сьмерць Уладзімера Каткоўскага
- Сеціўны дзёньнік У. Каткоўскага (анг.)
- Помнік
rydel23 - Блог у LiveJournal- Сайт «Pravapis.org»
- Сайт «Мартыралёґ Беларусі»
- Сайт «Літванія, зямля ліцьвінаў»
- Л.Каткоўскі: “Калі адстойваць беларускае, то па-беларуску!”
