M60 (кулямёт)
| M60 | |
|---|---|
 | |
| Тып | Адзіны кулямёт |
| Краіна паходжаньня | ЗША |
| Гісторыя выкарыстаньня | |
| Пэрыяд выкарыстаньня | з 1957 году |
| Гісторыя вытворчасьці | |
| Вытворца | Saco Defense U.S. Ordnance |
| Характарыстыкі | |
| Вага | 10.51 кг (з сошкай) 8,61 кг (бяз сошкі) 8,5 (M60E3) 10,5 (M60E4 з доўгім ствалом) 10,2 (M60E4 з кароткім ствалом) 9,9 (M60E4 са штурмавым ствалом) |
| Даўжыня | 1105 мм |
Адзіны кулямёт М60 быў распрацаваны ў ЗША і прыняты на ўзбраеньне войскамі ЗША ў 1956 годзе, замяніўшы састарэлыя маральна і фізычна кулямёты М1917 і М1919. Кулямёт выкарыстоўваўся і як ручны і як станкавы (адзіны кулямёт), таксама ўсталёўваўся на вэрталёты і бронетэхніку. У сярэдзіне 1980-х гадоў заменены на новыя кулямёты М240 (FN MAG) бэльгійскай распрацоўкі.
М60 уяўляе сабой аўтаматычную зброю, пабудаваную па схеме з газавым прывадам аўтаматыкі і замыканьнем ствала паваротам засаўкі. Сілкаваньне стужачнае. Ствол кулямёта — хутказьёмны, рэсурс аднаго ствала да зьмены — 200 стрэлаў бесьперапынным агнём. Але канструкцыя кулямёта дазваляла весьці толькі аўтаматычны агонь. Кулямёт меў шэраг недахопаў, у прыватнасьці, з-за таго, што сошкі разам з газавым цыліндрам былі ўсталяваныя на здымным ствале, а сам ствол ня меў дзяржальні для замены, зьмена гарачага ствала ў баявых умовах была даволі няёмкая і патрабавала наяўнасьці цеплаахоўных пальчатак. Акрамя таго, ня надта ўдалая канструкцыя затворной групы прыводзіла да частых паломак ударніка і элемэнтаў вузла замыканьня.
Вонкавыя спасылкі
[рэдагаваць | рэдагаваць крыніцу]
M60 (кулямёт) — сховішча мультымэдыйных матэрыялаў