Windows Phone

	Windows Phone
Распрацоўнік
	Microsoft (Рэдманд(en), штат Вашынгтон, ЗША)
Выпускі
Сямейства АС	Microsoft Windows
Першы выпуск	21 кастрычніка 2010 (14 гадоў таму)
Апошні стабільны рэліз	[+/−]
Мовы	Беларуская і 50 іншых
Мовы праграмаваньня	C++, C, C#
Тып ядра	Гібрыднае (Windows NT на W.P. 8), маналітнае (Windows CE на W.P. 7)
Стандартны інтэрфэйс	Графічны (Мэтро)
Ліцэнзія	карыстальніцкая
Вэб-сайт	www.windowsphone.com
Бягучы стан

Windows Phone — мабільная апэрацыйная сыстэма Microsoft, што замяніла ў 2010 годзе Windows Mobile. Выдадзеная 29 кастрычніка 2012 году W.P. 8 займела беларускамоўны інтэрфэйс.

Інтэрфэйс

Экран запуску складаўся з жывых плітак, што паказвалі апошнія зьвесткі, паведамленьні і навіны адпаведна праграме, спасылкай на якую яны адначасна служылі. Канцэнтратары гульняў, запісаў, кантактаў, музыкі і відэа, фатаздымкаў прызначаліся для галіновага прагляду зьвестак. Кіраваньне ажыцьцяўлялася дотыкамі да экрана, змаўчальны цёмны фон якога падаўжаў тэрмін службы акумулятара.

Увод тэкста

Экранная клявіятура дазваляе ўводзіць тэкст і знакі пачуцьцяў (усьмешка) дотыкам. Пры наборы тэксту зьяўляюцца падказкі. Утрыманьне клявішы выяўляе выбар дадатковых знакаў. Апраграмаваньне падтрымлівае ўвод тэкста і з апаратнай клявіятуры пры яе наяўнасьці на смартфоне. Націск да літары дадаецца ўтрымліваньнем набранай літары.

Паведамленьні

Гутаркі дазваляюць у адной размове пераключацца між тэкставымі паведамленьнямі і чатам Facebook і Messenger.

Аглядальнік

Internet Explorer 10 дазваляе ствараць сьпіс выбраных вэб-старонак і пліткі са спасылкамі на экране запуску, як і адначасна адчыняць да 6 асобных вокнаў-укладак. Таксама магчыма выкарыстоўваць жэсты, маштабаваньне, абмен спасылкамі і пошук па старонцы.